loading...

Hafiz Məmmədova daha bir zərbə

18-12-2017 Baxış sayı :94
Hafiz Məmmədova daha bir zərbə"Delfin” MMC "Bakı” Futbol Klubu MMC-ni məhkəməyə verib.

Yenicag.az xəbər verir ki,  1 saylı Bakı İnzibati-İqtisadi Məhkəməsinə müraciət edən "Delfin” MMC futbol klubunu xüsusi mülkiyyətdə olan sahədən çıxarılması barədə tələb irəli sürüb. Məhkəmə prosesi zamanı "Bakı” klubu pulun tutulması barədə qarşılıqlı iddia qaldırıb. Qərara əsasən, ilkin iddia təmin edilib, lakin qarşılıqlı iddia rədd olunub. Məhkəmə qərarından narazı qalan "Bakı” Futbol Klubu MMC rəhbərliyi apellyasiya şikayəti verib. Şikayətə Bakı Apellyasiya Məhkəməsində baxılacaq.

Qeyd edək ki, "Delfin” MMC keçmiş nəqliyyat naziri Ziya Məmmədovun oğlu, iş adamı Anar Məmmədovun şirkətlərindən biridir. Bu MMC "Garant Holding”in tərkibinə daxilir. "Bakı” Futbol Klubu isə "Baghlan Group”un sahibi "Hafka” kimi tanınan iş adamı Hafiz Məmmədovundur (Report)

Məsələ ilə bağlı Yenicag.az-ın əməkdaşı "Bakı”nın vitse-prezidenti Yaşar Seyidovla əlaqə saxlayıb. Maraqlıdır ki, Seyidov əməkdaşımızla söhbətində məhkəmə prosesindən xəbərsiz olduğunu bildirib. O, bu barədə heç bir məlumata sahib olmadığını qeyd edib.