loading...

Polis əməkdaşları Ağcəbədidə əməliyyat keçirdi - külli miqdarda narkotik aşkar olundu

28-09-2017 Baxış sayı :140

Respublikanın daxili işlər orqanları tərəfindən ötən gün keçirilən uğurlu əməliyyat tədbirləri nəticəsində qanunsuz dövriyyədən külli miqdarda narkotik vasitə çıxarılıb. 

Bu barədə Musavat.com-a DİN-in mətbuat xdimətindən məlumat verilib.

Belə ki, Ağcabədi Rayon Polis Şöbəsi əməkdaşlarının əldə etdikləri məlumat əsasında həyata keçirdikləri əməliyyat tədbirləri nəticəsində narkotik vasitələrin alqı-satqısında şübhəli bilinən şəhər sakini, əvvəllər məhkum olunmuş Hüseyn Əhmədov saxlanılaraq Polis Şöbəsinə gətirilib. Onun üzərinə baxış zamanı 0,110 qram heroin aşkar edilib. 

Tədbirlərin davamı olaraq onun yaşadığı evə də baxış keçirilib və oradan əlavə olaraq ümumi çəkisi 9 kiloqram 230 qram olan qurudulmuş marixuana aşkar edilərək götürülüb. 

Növbəti uğurlu tədbir Beyləqan Rayon Polis Şöbəsinin əməkdaşları tərəfindən həyata keçirilib. Daxil olan əməliyyat məlumatı əsasında polis əməkdaşlarının şəhər sakini, əvvəllər məhkum olunmuş İlkin Fərəcovun evinə keçirdikləri baxış zamanı oradan ümumi çəkisi 1 kiloqramdan artıq olan marixuana aşkar edilərək götürülüb.

Hər iki faktla bağlı cinayət işləri başlanılıb, istintaq aparılır.