Xəbər Lenti

______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
Beyləqanda uşaqların və əsgərlərin payını yeyən haramxor ailə
İcra başçısından qadınlara qarşı növbəti sayğısızlıq
Əli Həsənov: Qaçqınlarla bağlı bu yaxınlarda qərar veriləcək
Hökumətə 9 gün vaxt verildi - Büdcəyə yenidən baxmaq üçün
“Bakı” klubu Rövnəq Abdullayevə müraciət etdi
“Bakı” klubu Rövnəq Abdullayevə müraciət etdi
“Bakı” klubu AFFA prezidenti Rövnəq Abdullayevə müraciət edib. Xeberci.tv xəbər verir ki, bu barədə futbolxeber.az saytına paytaxt klubunun vitse-prezidenti Yaşar Seyidov məlumat verib. Klub rəsmisi ilk öncə “Bakı”nın akademiyasının geridə qalan illər ərzindəki fəaliyyətini dəyərləndirib: ““Bakı” Futbol Klubunun akademiyası 2008-ci ildən fəaliyyət göstərir. Ölkə başçısı İlham Əliyevin imzaladığı “2005-2015-ci illərdə Azərbaycan Respublikasında futbolun inkişafına dair dövlət proqramı”nın icrası məqsədilə “Bakı” Futbol Klubu Binəqədi rayonu Biləcəri qəsəbəsində təlim-məşq bazası və Futbol Akademiyası inşa etdirib. 2011-ci ilin sentyabrında Azərbaycan Respublikasının prezidenti İlham Əliyev “Bakı” klubunun təlim-məşq bazasının açılışını edərək, görülən işlərə yüksək qiymət verib və bütün futbol klublarına belə təlim-məşq bazasının inşa edilməsini tövsiyə edib. Hazırda illərlə yaradılmış mükəmməl strukturun köməyi, yüksək ixtisaslı məşqçi və texniki heyətin, həmçinin məqsədyönlü aparılmış seleksiya işlərinin nəticəsidir ki, 300 gənc və perspektiv vəd edən futbolçu “Bakı” klubunun akademiyasında futbolun sirlərinə yiyələnirlər. Bu gün Azərbaycanın müxtəlif yaş qrupu üzrə milli komandalarında “Bakı”nın 35 yetirməsi çıxış edir. Klubumuzun adı “Bakı”dı, paytaxtı təmsil edir. Amma biz simvolik olaraq, ölkəmizin demək olar ki bütün şəhər və rayonlarından perspektivli gəncləri akademiyamıza cəlb etmişik”. Seyidov qeyd edib ki, “Bakı”nın akademiyasının yetirmələri son mövsümdə də ölkə yarışlarında inamlı çıxış ediblər: “Hər il olduğu kimi, son mövsümdə də “Bakı”nın aşağı yaş qrupu üzrə komandaları inamlı çıxışla yadda qalıblar. 15 yaşlılardan ibarət komandamız “Kapital Bank U-15 Liqası”nın, 12 yaşlılarımız isə “Atena U-12 Liqası”nın qalibi olub. U-12 komandamız həmçinin “Əlincə turniri”nin və Klubların Futbol Akademiyalarının yarışında çempion olub. “Sabahın ulduzları”nda çempion olan U-13 komandamız Klubların Futbol Akademiyalarının yarışında, həmçinin Ulu Öndər Heydər Əliyevin xatirəsinə həsr olunmuş “Prezident Kuboku”nda birinci yeri tutub. U-14 komandamız “Elit Kuboku”nda, U-17 komandamız isə “Bakcell U-17 Liqa”sında bürünc medala sahib çıxıb”. Yaşar Seyidov bildirib ki, 8 ildir Azərbaycan futboluna xidmət edən “Bakı” klubunun akademiyası hazırda maddi çətinliklər yaşayır: “Bakı” futbol klubu ölkə futbolu adına, Azərbaycanın beynəlxalq arenada yüksək səviyyəsində təmsil olunması üçün xeyli oyunçu yetişdirib. Bu gün futbolumuzda müəyyən maliyyə çətinlikləri var. “Bakı” klubu da bu prosesdən kənarda qalmır. Akademiyanın yetirmələrinin məşq etməsində, qidalanmasında, çempionat oyunlarında iştirakında maddi vəsaitə ehtiyac duyuruq. Uzun müddətdir ki, bütün bu çətinliklərə sinə gəlirik. Amma son zamanlar vəziyyət həddən artıq çətinləşib. Ona görə də AFFA prezidenti Rövnəq Abdullayevə müraciət etmək qərarına gəldik. Çətinliklərlə əlaqədar olaraq AFFA prezidentinin bizə yardım edəcəyini inanırıq. Hal-hazırda bu vəziyyətdən çıxmalıyıq. Ölkə başçımız kimi AFFA prezidenti də futbolumuzun inkişaf etməsini istəyir. Bu günə kimi Rövnəq Abdullayev daim Azərbaycan futbolunun inkişafı üçün böyük işlər görüb. “Bakı” da daim Azərbaycan futboluna xidmət edib. Klubumuzun Azərbaycan futboluna verdiyi töhfələri unutmaq olmaz. Xatırlayırsınızsa, 2012-ci ildə ölkəmizdə keçirilən qadınlar arasında dünya çempionatın məhz Azərbaycanda baş tutmasında “Bakı”nın az rolu olmayıb. İştirakçı komandaların hamısı çempionat zamanı “Bakı”nın bazasında məşq ediblər. İştirakçı komandaların hər biri istər yarış zamanı, istərsə də öz ölkələrində olarkən “Bakı”nın bazasından, klubumuzun infrastrukturundan ağızdolusu danışıblar”. “Rövnəq Abdullayevə göndərdiyiniz məktub artıq qəbul olunubmu” sualını “Bakı” rəsmisi belə cavablandırıb: “Bəli, məktub artıq qəbul olunub. Hazırda AFFA-yla yanaşı, digər qurumlarla da danışıqlar aparırıq. Futbolumuzun inkişafını istəyən dövlət adamlarına da müraciət edəcəyik. Vəziyyət bu cür davam edə bilməz. Bu yaxınlarda hörmətli millət vəkilimiz Fazil Mustafa da çox gözəl qeyd etdi ki, 300 uşağın taleyinə laqeyd yanaşmaq olmaz. Biz AFFA prezidentinə müraciət etmişik və hazırda qarşı tərəfdən cavab gözləyirik. Müraciətə böyük ümidimlə yanaşırıq. İnanırıq ki, Rövnəq Abdullayev lazımi tədbirlər görəcək. Düşünmürəm ki, 300 futbolçunun taleyi həll olunan bir məqamda AFFA öz sözünü deməsin. Bir daha qeyd edirəm ki, AFFA prezidenti Rövnəq Abdullayevin “Bakı” klubunun akademiyasındakı çətinlikləri şəxsi nəzarətə götürəcəyinə və akademiyanın fəaliyyətinin davam etməsi ilə əlaqədar müvafiq tapşırıq və göstərişlərini verəcəyinə inanıram”.
Rəsul Çunayev reytinq siyahısında birincidir
Rəsul Çunayev reytinq siyahısında birincidir
Dünya Güləş Birliyi 2016-cı ilin yanvar ayında keçirilən yarışların nəticəsinə əsasən, yunan-Roma güləşi üzrə yeni reytinq siyasını açıqlayıb. Azərbaycan Güləş Federasiyasından Musavat.com-a məlumata görə, Yunan-Roma güləşi üzrə reytinq siyahısında ötən ay yer alan 12 güləşçimizin mövqeyində dəyişiklik baş verməyib. Avropa Oyunlarının qızıl medalçısı, Las Veqasda keçirilən Dünya çempionluğuna yiyələnən Rəsul Çunayev reytinqdəki liderliyini saxlayıb. Mövqeyini dəyişməyən daha bir güləşçimiz son Dünya çempionatının gümüş medalçısı Rövşən Bayramov olub. O reytinqdə ikinci sıradadır. Öz çəkisində reytinqin ikincisi olan digər bir güləşçimiz isə Saman Təhmasibidir. Ümummilli lider Heydər Əliyevin xatirəsinə həsr olunmuş Qızıl Qran Pri beynəlxalq turnirinin final mərhələsinin qalibi olan Sabah Şəriəti də reytinqdəki mövqeyini saxlayıb. Bundan başqa, daha 4 yunan-Roma güləşçimiz ilk onluqda mövqelərini qoruyub. Ümummilli lider Heydər Əliyevin xatirəsinə həsr olunmuş Qızıl Qran Pri beynəlxalq turnirinin final mərhələsinin mükafatçıları Elvin Mürsəliyev (75 kq) və Rafiq Hüseynov (80 kq) 6-cı, Həsən Əliyev (66 kq) 9-cu, İslam Abbasov (85 kq) isə 10-cu sıradadır. 59 kq 2. Rövşən Bayramov - Dünya çempionatı 2-ci yer (2) 12. Elman Muxtarov - Avropa Oyunları 3-cü yer (12) 66 kq 9. Həsən Əliyev - Qızıl Qran Pri 3-cü yer (12) 18. Kamran Məmmədov - Qızıl Qran Pri 2-ci yer (nr) 71 kq 1. Rəsul Çunayev - Dünya çempionatı 1-ci yer (1) 75 kq 6. Elvin Mürsəliyev - Qızıl Qran Pri 3-cü yer (5) 80 kq 6. Rafiq Hüseynov - Qızıl Qran Pri 2-ci yer (2) 85 kq 2. Saman Təhmasibi - Dünya çempionatı 3-cü yer (4) 10. İslam Abbasov - Qızıl Qran Pri 3-cü yer (13) 98 kq 17. Şalva Qadabadze - Qızıl Qran Pri 1-ci yer (nr) 18. Orxan Nuriyev - Paris Qran Pri turniri 3-cü yer (18) 130 kq 4. Sabah Şəriəti - Qızıl Qran Pri 1-ci yer (5)
Bu Bölmənin Digər Xəbərləri
loading...
YAZARLAR
QIZLARINI ZORLAYAN ATANIN TÜKÜRPƏDICI HƏYAT DRAMI
Cəfərovlar ailəsi 6 nəfərdən ibarət olub. Ata 1971-ci il təvəllüdlü Fazil Cəfərov, ana 1974-cü il təvəllüdlü Şəfiqə, qızları 1992-ci il təvəllüdlü Günay, 1993-cü il təvəllüdlü Sədaqət, oğlanları 1995-ci il təvəllüdlü Elvin və 1997-ci il təvəllüdlü Elşən. 1991-ci ildə Fazil ilə Şəfiqə ailə qurduqdan sonra onların aralarında bir sıra problemlər yaranır. Fazil evə tez-tez içkili gəlir. Evdə dava salaraq ailə üzvlərini döyür. Evdə hamı ondan qorxur. Qızlar atalarından daha çox qorxurlar. Ona görə ki, ataları onları demək olar ki, hər gün döyür, işgəncə verirdi. Fazil dəfələrlə Rusiyaya işləməyə getməsinə baxmayaraq, evə qazanc gətirə bilmir. O, rayonda müəyyən tikililərdə rəngsazlıq edir. Qazandığı pulları da içkiyə verir. Hər gün evə içkili vəziyyətdə gələn Fazil evdəkiləri döyərək, işgəncə verir. Belə günlərin birində – 2003-cü ilin dekabr ayında Fazil yenə içkili vəziyyətdə evə gəlir. Evdə təkcə 11 yaşlı qızı Günay olur. Günay evin birinci mərtəbəsində təmizlik işləri ilə məşğul olurmuş. Fazil qızını yuxarı çağırır. Günay işin yarımçıq qoyub, atasının yanına qalxır. Atası ondan əynindəki paltarları çıxarmasını istəyir. Günay heç nə baş düşmür. Atası onun yanına gələrək əynindəki paltarları cıraraq əynindən çıxarır. Bu zaman Günay ağlamağa başlayır. O, atasının nə üçün belə etdiyini anlamır. Tez-tez atası tərəfindən döyülən Günay atasının yenə onu döyəcəyini düşünür. Lakin atası Günayı çarpayıya uzadaraq onu zorlayır və qızlıq bəkarətini pozur. Günay hələ uşaq olduğundan bu barədə hər şeyi anlamır. Fazil onu bu barədə heç kimə heç nə söyləməmək barədə tənbeh edir. Əks təqdirdə, ona daha böyük işgəncələr verəcəyini söyləyir. Günay da belə edir. O, qorxusundan bu barədə heç kəsə heç nə demir. Bu hadisəsən sonra Fazil 15 günə yaxın müddətdə Günaya toxunmur. Lakin 15 gün keçəndən sonra yenə Günayı otağına çağırıb, bu gecə onunla yatacağını bildirir. Günay ağlamağa başlayır. O, atasına “yenə həminki kimi edəcəksən?” sualını verir. Fazil isə “qorxma daha ağrıtmayacaq” – deyə, ondan ağlamamağı tələb edir. Yenə axşam olur. Fazil axşam hamının yatdığını görüb, Günayı otağına çağırır. Yenə həmin hal təkrarlanır… Oğlunun nəvəsini zorladığını görən babanın ürəyi dayanır Bu əxlaqsızlıq düz 2009-cu ilin sentyabrına qədər davam edir. Evdəkilər bundan şübhələnir. Onlar tez-tez Günayın ağladığını görürlər. Bunun səbəbini soruşduqda isə Günay qorxusundan heç nə demir. 6 il müddətində atası demək olar ki, 2-3 gündən bir Günayla təbii və qeyri-təbii yolla cinsi əlaqədə olur. Günlərin yenə birində Fazilin atası Qurban və Anası Fəzilət gecəni Fazilgildə keçirməli olurlar. Səhər tezdən Fazil yuxudan oyanıb Günayın yatdığı otağa gedir. İçəri girəndə Günay yuxudan ayılır. Fazil onun üstünə gəlir. Bu zaman Günay qışqırmağa başlayır. Fazil tez otağın qapısını bağlayır. Əli ilə Günayın ağzını tutub yenə onunla cinsi əlaqədə olur. Günayın otağı babasıgilin yatdığı otağa yaxın idi. Ona görə də, babası Qurban onun qışqırığını eşidir. Bundan narahat olan Qurban otağından çıxıb nəvəsi yatdığı otağa gəlir. Qapını açanda nəvəsinin lüt vəziyyətdə, oğlunu isə paltarını geyinən görür. Oğlundan nə baş verdiyini soruşanda, Fazil ona “üstünü örtməyə gəlmişdim, birdən başladı ağlamağa” deyib otaqdan çıxıb gedir. Lakin Qurban hər şeyi baş düşür. O, Günaydan heç nə soruşmur. Oğlunun bu hərəkətini görməsi Qurbanın elə həmin gün ölümü ilə nəticələnir: bu mənzərənin şahidi olan Qurbanın ürəyi tutur. Oğlunun əxlaqsızlığı barədə Qurban heç kəsə heç nə deməyə macal tapa bilmir. Evə həkim çağırsalar da, onun həyatını xilas etmək olmur. Evdə heç kəs Qurbanın nə səbəbdən öldüyünü bilmir. Qurbanın “40”-ı çıxana qədər Fazil Günaya toxunmur. Atasının “40”-dan sonra Fazil iyrənc hərəkətlərinə davam edir. Yenə qızını ölümlə hədələyərək, onunla zorla cinsi əlaqədə olmaqda davam edir. Günlərin birində Fazil yenə hamını yuxuya verib, qızı Günayı yanına çağırır. Günaya yenə onunla cinsi əlaqədə olacağını söyləyir. Bu zaman Günay ona etirazını bildirir. Fazil onu sillə ilə yerə sərərək, təpikləməyə başlayır. Bundan sonra o, iyrənc əməlini həyata keçirir. Günayın qışqırıq səsinə gələn anası Şəfiqə otağın qapısının bağlı olduğunu görür. Qapını nə qədər döyürsə, Fazil açmır. Bir müddətdən sonra Fazil otaqdan çıxır. Şəfiqə qıza nə etdiyini soruşur. Fazil sənə “dəxli yoxdur, özüm bilərəm” deyir. Şəfiqə Günaydan baş verənləri soruşur. O isə qorxusundan heç nə demir. Şəfiqə Fazilin hərəkətindən şübhələnir. Bu barədə Fazilin qardaşı Malikə deyir. Malik qardaşının hərəkətinə inana bilmir. Məsələni Fazilə danışır. Lakin Fazil heç nəyi boynuna almır. “11 yaşım olandan atam məni zorlayır” Qardaşı ilə söhbətdən sonra Fazil evinə qayıdır. Əsəbi halda evə qayıdan Fazil qızı Günayı yanına çağırıb, ona nə üçün baş verənləri başqalarına söylədiyini soruşur. Günay cavabında heç kəsə heç nə demədiyini bildirir. Fazil bu dəfə qızına daha da pis işgəncə verəcəyini söyləyir. O, qızını sillə təpik altına salaraq yenə onunla zorla təbii və qeyri-təbii yolla cinsi əlaqədə olur. Bundan sonra o, Günaya bacısını yanına çağırmağı söyləyir. Günay atasından bacısını nə üçün istədiyini soruşur. Fazil cavabında “onu da sənin kimi edəcəm” deyir. Günay buna imkan verməyəcəyini söyləyir: “Qoymaram ki, mənim başıma gətirdiklərini bacımın başına gətirəsən”. Fazil Günaya “sizi ər evinə “qız” göndərməyəcəm” deyir. Bu zaman Fazil onun saçından tutaraq yerə yıxır. Təpiklə onun ağzına vurur. Gözünün altını göyərdir. Günayın qışqırığını anası həyətdən eşidir. Yuxarı qalxan Şəfiqə qızından nə baş verdiyini soruşur. Günay hər şeyi anasına etiraf edir: “11 yaşım olandan atam məni zorlayır. Bunu kiməsə desəm məni öldürəcək. 6 ildir ki, məni demək olar ki, hər gün zorlayır. İndi də bacım Sədaqəti zorlamaq istəyir”. Günay bu 6 ildə atasının onun başına açdığı bütün oyunları anasına söyləyir. Fazilin anası: “ Zəhərlə öldür onu, biz sənə kömək edərik” Şəfiqə o biri qızı Sədaqətin də təhlükədə olduğunu görüb, uşaqları götürərək ata evinə gedir. Bu barədə atasıgilə danışır. Şəfiqə uşaqları onlarda qoyub, Fazilin qardaşı Malik gilə yollanır. Malikə bütün baş verənləri danışır. Bu vaxt evdə olan Fazilin anası Fəzilət də baş verənlərdən xəbərdar olur. Oğlunun belə bir əclaflıq törətdiyini bilən ana və qardaş Şəfiqəyə onu zəhərləyib öldürməsini təklif edirlər: “Biz sənə kömək edərik. Zəhərlə öldür onu. Bu kəndə yayılsa, hamımız biabır olarıq. Sən onu zəhərləsən, heç kəsin bundan xəbəri olmaz”. “Qızımı sənin bacın Sürəyyaya oxşadığı üçün zorlamışam” Şəfiqə evə qayıdır. O, Fazildən belə hərəkəti nə üçün etdiyini soruşur. Fazil ona “əcəb eləmişəm” deyir: “Mən sənin bacın Sürəyyanı istəyirdim. Atan onu mənə vermədi. Günay da Sürəyyaya oxşayır. Ona görə də onu eləmişəm. Bütün bu sözləri eşidən Şəfiqə Fazil üzünə tüpürür. Fazil Şəfiqəni təpiyinin altına salıb, vəhşicəsinə döyür. Şəfiqə pis vəziyyətdə evə qayıdır. Evdəkilər ona polisə şikayət etməsini söyləyirlər. Şəfiqə belə də edir. O, qızı Günayı da götürüb, rayon polis idarəsinə gedir. Bütün baş verənləri müstəntiqə danışır. “Mən onu cəzalandırmaq üçün zorlamışam” Polis əməkdaşları Fazili həbs edir. Fazil ibtidai istintaqa ifadəsində ona qarşı irəli sürülən ittihamla özünü qismən təqsirli bilir: “2009-cu il sentyabrın 5-də evdə hamı yatdığından qızım Günayı yanına çağırıb ondan kəndə gəzən söhbətlərlə bağlı soruşdum. Günaya “kənddə sənin “qız” olmadığını deyirlər, bu nə məsələdir” deyin üstünə qışqırdım. Günay əvvəlcə bunları inkar etdi. Mən ona “bunu sübut edə bilərsənmi?” dedim. Günay hər şeyi etiraf edərək qızlığının uşaqlıqda pozulduğunu söylədi”. Fazil bundan əsəbiləşərək qızını cəzalandırmaq istədiyini bildirib: “Mən onu cəzalandırmaq üçün zorlamışam”. Qızını zorlayan ata özünü… qismən təqsirli bilir Fazilin cinayət işinə Ağır Cinayətlərə Dair İşlər üzrə Məhkəmədə baxılıb. Məhkəmədə ifadə verən Fazil yenə özünü qismən təqsirli bilib. O, qızının əxlaqsız olduğunu söyləyib: “Mən Günayın 11 yaşı olanda onu zorlamamışam. Günay uşaq vaxtı əxlaqsızlıqla məşğul olub, öz qızlığını pozub. Mən də onu cəzalandırmaq istəmişəm. Allah belə övladı heç kimə verməsin”. Məhkəmədə ifadə verən Günayın bacısı Sədaqət atasının onu da zorlamaq istədiyini bildirib: “Məni də zorlamaq istəyib. Canımı güc-bəla ilə qurtarmışam onun əlindən”. Fazil bütün bunları inkar edir. Lakin məhkəmə istintaqında onun qızı Günayı 2003-cü dekabrından 2009-cu ilin sentyabrınadək müxtəlif zamanlarda mütəmadi zorladığı sübuta yetirilir. P.S. Məhkəmə Fazili Azərbaycan Respublikası Cinayət Məcəlləsinin 149.2.3-ci (), 149.2.5-ci (təkrar törədildikdə), 149.3.3-cü (təqsirkar şəxs üçün aşkar surətdə on dörd yaşına çatmayan şəxs barəsində törədildikdə), 150.2.3-cü (. təqsirkar üçün aşkar surətdə yetkinlik yaşına çatmayan şəxs barəsində törədildikdə), 150.2.5-ci (təkrar törədildikdə) və 134-cü (Öldürməklə və ya sağlamlığa ağır zərər vurmaqla hədələmə) maddələri ilə təqsirli bilərək15 il müddətinə azadlıqdan məhrum edib.