11:13 1.07.2022 87

Əli Hüseynov: Böyük qayıdışın ilk pilot layihəsi Zəngilanın Ağalı kəndində böyük uğurla reallaşdırılıb

Ağsu Rayon Mərkəzi Xəstəxanasının direktoru Əli Hüseynov - Azərbaycan artıq uzun illərdir ki, dünya birliyinin tamhüquqlu və ən fəal üzvlərindən biri kimi ən mötəbər beynəlxalq qurum və təşkilatlarda yüksək səviyyədə təmsil olunur. BMT-nin Yaşayış Məskənləri Proqramı tərəfindən hər iki ildən bir keçirilən Ümumdünya Şəhər Forumunun 11-ci sessiyası bu il Polşada keçirilir. “Daha yaxşı gələcək naminə şəhərlərimizi dəyişdirək” mövzusunda keçirilən bu mötəbər tədbirdə Azərbaycan Respublikasının Prezidenti cənab İlham Əliyev videoformatda çıxış edib.

Azərbaycanda dayanıqlı şəhər inkişafı mövzusu ölkəmizin Ermənistanın 30 illik işğalına son qoymasından sonra daha aktual olub. İşğal dövründə Ermənistan Azərbaycanın 9 şəhər və yüzlərlə kəndini viran qoyaraq, tamamilə yer üzündən silib. Mədəni, dini və tarixi abidələrimizə qarşı vandallığın indiyədək misli görünməmiş səviyyələrində münasibət nümayiş etdirən erməni qəsbkarları 30 il ərzində bu torpaqlarda talançılıq və dağıdıcılıqla məşğul olublar. Xarici jurnalistlər Ağdam şəhərini “Qafqazın Hirosiması” adlandırmaqla erməni faşizminin cinayətlərini təsdiq ediblər.

Lakin bütün bunlar artıq keçmişdədir. Bu gün Azərbaycan işğaldan azad etdiyi ərazilərdə irimiqyaslı bərpa və yenidənqurma işləri aparır. Eyni zamanda da ölkəmiz Cənubi Qafqazda yaratdığı yeni reallıqların verdiyi geniş imkanlardan bütün qonşu dövlətlərin də faydalanmasını istəyir. Dövlətimizin başçısı öz çıxışında bir daha bəyan etdi ki, hətta Ermənistanın 30 illik işğalına baxmayaraq, Azərbaycan müharibə səhifəsini çevirmək, münasibətləri normallaşdırmaq və bir-birinin suverenliyinin və ərazi bütövlüyünün qarşılıqlı tanınması prinsipi əsasında Ermənistanla sülh müqaviləsi imzalamaq istəyindədir. Çünki yalnız sülh müqaviləsi Cənubi Qafqazı sülh və əməkdaşlıq regionuna çevirə bilər. Əlbəttə ki, Azərbaycanın bu məqsədlə irəli sürdüyü 5 əsas prinsiplərin Ermənistan tərəfindən bir müddət əvvəl qəbul olunması mütərəqqi bir haldır. Lakin təəssüflər olsun ki, bundan sonra hələ ki, heç bir irəliləyişə nail olunmayıb. Əksinə Ermənistan hökuməti indiyədək hələ də mina xəritələrini Azərbaycana təqdim etməməklə özünün bədməramlı niyyətlərini aşkar etmiş olur. Hərbi əməliyyatların başa çatmasından artıq ilyarım keçsə də, ermənilərin Azərbaycan ərazilərində basdırdıqları minalar hələ də insanların həyatına son qoymaqdadır. Ermənistan bu yolla bir vaxtlar dədə-baba torpaqlarından qovduqları azərbaycanlıların öz yurdlarına qayıtmalarını ləngitməyə çalışır. Nəticədə isə, Vətən müharibəsi başa çatdıqdan sonra mina partlamalarında 220 nəfərdən artıq Azərbaycan vətəndaşı həlak olub. Əlbəttə ki, bu hərbi cinayətdir və bu cinayətlərə görə rəsmi İrəvan mütləq cavab verməlidir. Lakin bütün bunlar heç bir halda Böyük qayıdışın əngəllənməsinə səbəb ola bilməz. Məcburi köçkün vətəndaşlarımızın öz torpaqlarına qayıdışlarının ilk pilot layihəsi də artıq Zəngilanın Ağalı kəndində uğurla reallaşdırılıb. İşğaldan azad edilmiş ərazilərdə ən müasir şəhər planlaşdırılmasını həyata keçirən, “yaşıl enerji” və “sıfır tullantı” konsepsiyalarını tətbiq edən Azərbaycan bu gün Ağalı kəndinin timsalında dünyaya ən müasir ağıllı kəndi təqdim edib. Prezident İlham Əliyevin dediyi kimi, Azərbaycan bu gün Dayanıqlı İnkişaf Məqsədlərinə uyğun olaraq inklüziv, təhlükəsiz, dözümlü və dayanıqlı şəhər və kəndlərin inşa edir və bütün bu işlər Azərbaycanın öz maliyyə resursları hesabına həyata keçirilir.

Dövlət başçısı öz çıxışında bu vacib məqamı da qeyd edib ki, bu il Azərbaycanın Birləşmiş Millətlər Təşkilatına üzvlüyünün 30 illiyi tamam olur. Bu münasibətlə mart ayında Azərbaycanın mədəniyyət paytaxtında, işğaldan azad edilmiş Şuşa şəhərində BMT qurumlarının iştirakı ilə münaqişədən və pandemiyadan sonrakı dövrdə Dayanıqlı İnkişaf Məqsədlərinə nail olunmasına həsr edilmiş çox mühüm tədbir keçirilib. Həmin tədbirdə Dayanıqlı İnkişaf Məqsədlərinə nail olunması istiqamətində ölkəmizdə əldə olunan nailiyyətlər, həmçinin azad olunmuş ərazilərin dirçəldilməsi və oraya normal həyatın yenidən qaytarılması ətrafında müzakirələr aparılmışdır. Həmçinin Prezident İlham Əliyev sessiyadakı çıxışında qeyd etmişdir ki, bu gün “2030-cu ilə qədər Dayanıqlı İnkişaf Gündəliyi” və “Yeni Şəhər Gündəliyi” kimi konseptual proqramlar şəhərlərimizin daha yaxşı və təhlükəsiz gələcəyini təmin etmək üzrə birgə səylərin istiqamətləndirilməsi baxımından çox önəmlidir. Həqiqətən də bu gün ölkəmizdə şəhərlərimizin yenidən qurulması və müasirləşdirilməsi istiqamətində böyük həcmdə işlər görülür və Azərbaycan bu sahədə əldə etdiyi qiymətli təcrübəni digər ölkələrlə də bölüşməyə hazırdır.
Xeberci.info
Oxşar xəbərlər

XƏBƏR LENTİ

17:04

Prezident: "Son illərdə Ağsu və İsmayıllıda böyük infrastruktur layihələri icra edilib"

17:02

İlham Əliyev “Ağsu Aqropark”da - Fotolar + Yenilənib

16:00

Həkimdən maska XƏBƏRDARLIĞI: Bu dalğa əvvəlkilərdən fərqli olacaq!

14:48

Prezident İlham Əliyev “Ağsu Aqropark”ın fəaliyyəti ilə tanış olub

14:47

İlham Əliyev Ağsuda ulu öndərin abidəsini ziyarət edib

14:22

Məktəbli formalarının satışa çıxarılacağı vaxt açıqlanıb

13:56

Mehriban Əliyeva Basqal qəsəbəsinə səfərdən fotolar paylaşıb

13:52

Prezident və xanımı “Basqal” Dövlət Tarix-Memarlıq Qoruğunda - YENİLƏNİB

13:48

İlham Əliyev Ağsuda ulu öndərin abidəsini ziyarət edib

12:41

Mehriban Əliyeva yeni video paylaşdı - VİDEO

12:37

Ermənipərəst politoloqdan sensasiya: Xankəndi, sülhməramlı etirafı, "kədərliyəm" çıxışı...

12:29

İlham Əliyev və Mehriban Əliyeva İsmayıllıda açılışda

12:24

Azərbaycan əhalisinin sayı açıqlanıb

11:12

Qaçaqmalçılar Azərbaycan sərhədçilərinə atəş açıb, yaralanan var - FOTO

10:59

Türkiyə-Ermənistan müzakirələrinin detalları: xüsusi nümayəndələr 500 dəfə telefonla danışıb

10:56

Revanşist ermənilər də Qarabağdakı vəziyyətlə barışmağa başlayıb

10:45

Ukraynada sifarişlə həbs olunan Qarabağ qazisi Misirdən xəbər var - VİDEO

10:42

Mehriban Əliyeva “Diri Baba” türbəsinə ziyarətlə bağlı paylaşım edib

10:37

Prezident və xanımı “Diri Baba” türbəsində aparılan yenidənqurma işləri ilə tanış olublar

10:03

İslamiada: Azərbaycan medal sıralamasında 4-cü pilləyə yüksəlib

10:00

Bu hərbçilər də ordudan uzaqlaşdırıldı

09:56

İranın Qafandakı konsulu vəzifəsinin icrasına başlayıb

09:53

"Neftçi" Avstriyada belə uduzdu - VİDEO

09:49

Şəhid ailələrindən plakat üçün 150 manat alınıb? - RƏSMİ

09:45

Daha 815 güzəştli mənzil satışa çıxarılır - QİYMƏTLƏR

09:40

Azad olunmuş ərazilərdə döyüş növbətçiliyi yüksək səviyyədə təşkil edilir - VİDEO

09:00

"Neftçi" UEFA Konfrans Liqası ilə vidalaşıb

16:00

İpoteka ilə ev almaq istəyənlərə BƏD XƏBƏR: Qaydalar sərtləşdirilir - VİDEO

15:30

Röya şəhidin sevgilisinə yazdığı məktubun sözlərinə mahnı oxudu - VİDEO

14:22

Bakıda vulkan püskürüb - VİDEO/YENİLƏNİB

12:12

DİN Yevlaxdakı qəza ilə bağlı məlumat yaydı

12:09

Prezidentin hədiyyə etdiyi evi satan xalq artistləri…

12:05

Yeni icra başçısı təyin edildi - SƏRƏNCAM

11:47

Xankəndi və Qarabağdakı digər erməni yaşayış məntəqələri də boşaldılacaq – Hraparak