09:43 26.11.2021 32

Ermənistan üçün son şans, yoxsa son... - gözlər Soçidə

Üçtərəfli görüşdən əsas gözlənti; İrəvanın vaxt limiti bitib; bu dəfə kapitulyant ölkənin üzərinə daha konkret öhdəlik qoyulacaq; Putin Paşinyanı qısa zamanda üzüyola və sözəbaxan edə bilər, edəcəkmi?..

Ölkə.az xəbər verir ki, bu gün Rusiyanın Soçi şəhərində Azərbaycan, Rusiya və Ermənistan rəhbərlərinin görüşü olacaq. Artıq təxmini gündəlik bəllidir. Tanınmış politoloq, Kremlə yaxınlığı ilə tanınan Sergey Markov deyib ki, əsas məsələlərdən biri və birincisi tərəflərin 10 noyabr 2020-ci il bəyanatı və bu bəyanatın bütün bəndlərinə sadiqliklərini bir daha təsdiqləməsi ilə bağlı olacaq.

“Bu məsələ 99 faiz ehtimalla həllini tapacaq və olduqca vacibdir. Müzakirə olunacaq ikinci məsələ sərhədlərin demarkasiyası, üçüncü isə dəhlizlərdir”, - Markov bildirib.

Politoloqa görə, hazırda problem çox olduğundan, sərhədin demarkasiyası və delimitasiyası məsələsinin birdəfəlik həlli mümkün deyil. “Çox güman ki, görüş zamanı sərhədin delimitasiyası üzrə işçi qrupunun yaradılması ilə bağlı qərar veriləcək. Təəccüblüdür ki, sülh sazişinin imzalanmasından bir ildən çox vaxt keçib, ancaq Belə bir işçi qrupu hələ də yaradılmayıb”, - rusiyalı ekspert bildirib.

Ermənistan üçün son şans, yoxsa son... - gözlər Soçidə


Maraqlıdır ki, görüş ərəfəsində Rusiya prezidenti Vladimir Putinlə Avropa İttifaqı Şurasının sədri, Əliyevlə Paşinyan arasında 15 dekabr Brüssel görüşünün təşkilatçısı Şarl Mişel arasında telefon danışığı olub. Kremlin yaydığı məlumata görə, telefon danışığı zamanı bir sıra aktual beynəlxalq problemlər müzakirə olunub.

Ermənistan üçün son şans, yoxsa son... - gözlər Soçidə


“Vladimir Putin Şarl Mişelin xahişi ilə Dağlıq Qarabağa dair 10 noyabr 2020-ci il və 11 yanvar 2021-ci il tarixli üçtərəfli razılaşmaların müddəalarının həyata keçirilməsi, o cümlədən dinc həyatın bərqərar edilməsi, iqtisadi münasibətlərin bərpası, Cənubi Qafqazda nəqliyyat əlaqələrinin açılması istiqamətində atılan addımlar barədə məlumat verib. Məhz bu məsələlərə Rusiya və Azərbaycan prezidentlərinin və Ermənistanın baş nazirinin noyabrın 26-da Soçidə keçiriləcək görüşündə baxılması planlaşdırılır”, - məlumatında qeyd olunur.

*****

Ermənistan üçün son şans, yoxsa son... - gözlər Soçidə


Beləliklə, gündəm ortada. Qalır, indi onun konstruktiv məcrada müzakirəsi və veriləcək qərarların ləngimədən həyata keçirilməsi. Çünki yuxarıda adı çəkilən iki sənədin mühüm bəndlərinin reallaşması onsuz da yubanır. İlk növbədə də Ermənistan rəhbərliyinin təxribatları ucbatından.

İkinci yandan, belə vəziyyət Rusiyanın, məxsusən onun lideri Putinin imici əleyhinə işləməkədədir. Hər necə olmasa, həmin sənədlərdə onun imzası durur. Paralel surətdə bölgədə yeni müharibə riski artır ki, bu da Kremlə sərfəli deyil. Odur ki, bu dəfə rəsmi İrəvanın üzərinə daha konkret öhdəliklərin qoyulacağı, daha konkret vaxtların göstəriləcəyi ehtimalı böyükdür. Əsas da Zəngəzur dəhliz ilə bağlı.

İrəvanın ən çox çəkindiyi isə məhz elə bu mövzudur. Lakin baş nazir Paşinyanın yeni siyasi oyunlar hesabına vaxtı uzatmaq limiti artıq bitib. Biz hələ onu demirik ki, hər mənada Moskvanın güclü asılılığında olan Ermənistanın çoxdandır hər hansı gündəm formalaşdırmaq, şərt irəli sürmək və ya çıxarılan ortaq qərarları sabotaj eləmək kimi resursu, potensialı yoxdur.

Demək ki, yenə Rusiya amilinə diqqət yönəlir. Yəni Kreml istəsə Paşinyanı çox qısa zamanda üzüyola və sözəbaxan edə bilər. Ediləcəkmi?..

*****

“Soçi görüşündə aktiv şəkildə müzakirə olunacaq mövzulardan biri də nəqliyyat dəhlizləri məsələsidir. Lakin bu mövzuda dərhal irəliləyişin olub-olmayacağı hələlik aydın deyil”.

Ermənistan üçün son şans, yoxsa son... - gözlər Soçidə


Sergey Markov

Bunu da Sergey Markov gözləntilərlə bağlı danışarkən söyləyib. Onun sözlərinə görə, bu dəhlizlər arasında bircə Laçın nəqliyyat dəhlizi normal işləyir, hərçənd Bakının bu dəhlizlə bağlı iddiaları var: “Çünki Şuşadakı terror aktına bənzər hadisələr Laçın dəhlizindən partlayıcıların keçirilməsi ilə baş tutub. Buna görə də Bakı sonda Azərbaycanın hüquq-mühafizə strukturlarının Laçın dəhlizində yerləşdirilməsini tələb edə bilər”.

Ekspertin fikrincə, əsas müzakirə olunacaq məsələ də Zəngəzur dəhlizi ilə bağlıdır: “Ermənistan qorxur ki, bu nəqliyyat dəhlizi kifayət qədər böyük həcmdə yaradılarsa, Azərbaycan gücləndikcə həmin nəqliyyat dəhlizindən istifadə edərək Ermənistanda Sünik vilayəti adlandırılan Zəngəzurdakı bütün nəzarəti ələ keçirər və Ermənistan İranla olan sərhədlərini itirər. Bu, Ermənistan üçün olduqca qəliz məsələdir. Ona görə də bu istiqamətdə danışıqların inkişafına mane olur, təkidlə bunun dəhliz deyil, yalnız nəqliyyat kommunikasiyası olmasını istəyir”.

Ancaq Paşinyan hökuməti istəsə də, istıməsə də, 10 noyabr sənədində (9-cu bənd) Zəngəzur yolunun məhz dəhliz fəlsəfəsinə uyğun mahiyyəti əks olunub və onun Ermənistan tərəfindən nəzarəti barədə bir kəlmə də deyilmir. Ermənistan bu yolda yalnız təhlükəsizliyi, maneəsiz (!!) hərəkəti təmin eləməlidir, yəni heç bir yoxlanış apara bilməz. Bənddə deyildiyi kimi, nəzarət yalnız Rusiyada olacaq. Laçın koridorundakı kimi.

*****

Ən əsası, nəqliyyat yollarının açılması və yekun etibarilə Ermənistanın blokadasının götürülməsi hamıdan çox İrəvana lazımdır. Çünki qonşularla normal əlaqələr və əməkdaşlıqdan məhrum olan kapitulyant ölkə hər ötən ay daha dərin sosial-iqtisadi böhran bataqlığına yuvarlanır.

Yeri gəlmişkən, bu arada Ermənistanın dövlət borcu sürətlə artmaqdadır. Erməni KİV-lərin yazdığına görə, təkcə bu ilin 10 ayında dövlət borcu daha 1,2 milyard ABŞ dolları və ya 15,6% artaraq 9,2 milyard həddini keçib. Bu adambaşına 3100 dollar (!) borc deməkdir. “Maraqlıdır ki, bu dövrdə təkcə xarici deyil, həm də daxili borclar artıb. Borcun və ümumi daxili məhsula nisbətdə dinamika da narahatlıq doğurur. Belə çıxır, iqtisadiyyat 4,4%, dövlət borcu isə 15,6% artıb. Bu göstəricilərdən də aydın olur ki, dövlət borcunun artımı iqtisadiyyatın böyüməsinə və inkişafına kömək etməyib və gələcək nəsillər üçün əlavə yükə çevriləcək” - erməni mediası yazıb.

Aydındır ki, Ermənistan ətrafında nəqliyyat yolları, kommunikasiyalar bağlı qaldıqca, blokada rejimi davam elədikcə, onun simvolik dövlətçiliyinin də məhvi sürətlənəcək. Ölkədən kütləvi köç daha böyük miqyas alacaq. Seçim, həmişəki kimi, özlərinin, daha doğrusu, Nikol Paşinyanındır. Soçi görüşü bu xüsusda sonuncu fürsət olmaqla yanaşı, Ermənistanın sonu da ola bilər...

Mənbə: Musavat.com
Xeberci.info
Oxşar xəbərlər

XƏBƏR LENTİ

16:00

Azərbaycanla bu ölkə arasında viza rejimi ləğv edildi

15:30

Bu cərimələr iki dəfə artırılır - RƏSMİ

14:22

Müşfiq Abbasovdan tənqidlərə reaksiya: "Qələt edirlər, qeyrətləri varsa..."

13:00

İngiltərəli nazir: Müsəlman olduğum üçün qovuldum

12:05

Zakir Həsənov sabah İrana rəsmi səfərə gedəcək

11:55

Azərbaycanda yüksək vəzifəyə təyinat - FOTO

11:51

DİN-dən Çimnaz Sultanova ilə bağlı açıqlama

11:45

Ağsu Rayon İcra Hakimiyyətində vətəndaşların onlayn qəbulu keçirilib

11:30

Müdafiə naziri Sarkisyanı döyübmüş... - İLGİNC FAKTLAR

11:10

Əli Hüseynov: Yeni Azərbaycan Partiyası Azərbaycanın siyasi arenasına yeni nəfəs gətirdi

09:58

Allahşükür Paşazadənin müşaviri vəfat etdi

09:53

Diplomatlar Ukraynadan çıxarılır: müharibə təlaşı

09:34

Narkotik vasitələri mürəbbə bankalarının arasında gizlədən şəxs saxlanılıb - FOTO

09:29

Müşviq Abbasov yalan danışır? - FOTO

09:25

Şuşaya gedən avtobuslara satılan biletlərin sayı açıqlandı

09:20

Kamran Əliyev prokurorlarla iclas keçirir

09:16

Vilayət Eyvazov polkovnik-leytenantı yüksək vəzifəyə təyin etdi

08:41

Bu gündən Azərbaycanda yeni qayda qüvvəyə minib

08:40

Sarkisyanın səlahiyyətlərini o icra edəcək

08:36

Sumqayıtda bir nəfər evdə yanaraq öldü

08:32

Dünya birjalarında neft bahalaşır

08:29

Bakı-Şuşa-Bakı ilk avtobus reysi yola düşdü - FOTO

08:17

Mask və Bezos bir həftədə on milyardlarla dollar itirdi

08:13

ABŞ Əfqanıstana 23 milyon dollar verdi

06:30

By Bars klubunun yetirməsi “İlin idmançısı” nominasiyasının qalibi oldu

11:32

Şuşaya səfər edənlərin bileti belə olacaq - FOTO

11:28

Azərbaycanda koronavirusa yoluxanların karantin müddəti azaldıldı - RƏSMİ

11:24

Eldar Həsənovun müsadirə olunan əmlaklarının YENİ SİYAHISI

11:18

İki milyon manatlıq cinayət işi: Tağı Əhmədov və professor zərərçəkən qismində

16:00

Rusiya Belarusa S-400 raketləri və döyüş təyyarələri göndərir

15:30

Sənədsiz evlərin sənədləşdirilməsi ilə bağlı yenilik olacaq

14:22

Ermənistan xarici işlər naziri Türkiyəyə səfərə hazırlaşır

12:18

Ərdoğandan Ukrayna açıqlaması: Putinlə Zelenski üzbəüz...

12:14

Yas mərasimində polis rəisini yumruqla vurdular - Azərbaycanda