09:12 25.11.2021 7

Kəlbəcərin erməni işğalından azad olunmasından bir il ötür

Bu gün Kəlbəcər rayonunun Ermənistan Silahlı Qüvvələrinin işğalından azad edilməsindən 1 il ötür.
Azərbaycan Prezidenti İlham Əliyev, Rusiya Prezidenti Vladimir Putin və Ermənistanın Baş naziri Nikol Paşinyanın noyabrın 10-da imzaladıqları bəyanata əsasən Kəlbəcər noyabrın 15-də Azərbaycana qaytarılmalı idi.

Lakin Ermənistan tərəfi ordunun və qanunsuz olaraq yerləşdirdiyi insanların rayondan çıxarılması üçün əlavə 10 gün vaxt istədi. Ona görə də Azərbaycan dövləti öz humanist xarakterini bir daha nümayiş etdirməklə Rusiya Prezidenti Vladimir Putinin xahişini nəzərə alaraq müddəti noyabrın 25-dək uzadıb.

İşğalçı Ermənistan Silahlı Qüvvələri Kəlbəcər rayonunu 1993-cü il aprelin 2-də işğal etmişdi. İşğal nəticəsində 53 340 nəfər öz yurdundan didərgin düşüb, 55 hərbçi, 511 mülki sakin öldürülüb, 321 nəfər əsir götürülüb və itkin düşüb, minlərlə sakin yaralanıb.


Ermənistan silahlı birləşmələrinin Kəlbəcəri işğal etməsindən sonra BMT Təhlükəsizlik Şurası 822 saylı qətnamə qəbul edib. Beynəlxalq təşkilatın qətnaməsində bütün işğalçı qüvvələrin Kəlbəcər və Azərbaycanın digər işğal olunan rayonlarından dərhal çıxarılması tələb olunub. Lakin digər qətnamələr kimi, bu sənəd də kağız üzərində qalıb. Dünyanın yüzlərlə ölkəsinin cəmləşdiyi beynəlxalq təşkilatın 27 ildə sadəcə kağız üzərində qalan qətnaməsinin tələblərini Azərbaycan Ordusu cəmi 44 gün ərzində reallaşdırdı.

İşğalçı Ermənistan Silahlı Qüvvələrinin Kəlbəcəri tərk etməsi Azərbaycan Prezidenti, Müzəffər Ali Baş Komandan İlham Əliyevin siyasi liderliyi, sərkərdəlik qabiliyyəti və Azərbaycan Ordusunun Vətən müharibəsindəki uğurlu hərbi əməliyyatları nəticəsində mümkün olub.


Belə ki, 2020-ci il sentyabrın 27-də Ermənistan Silahlı Qüvvələrinin cəbhədəki təxribatının qarşısını alan Azərbaycan Ordusu əks-hücumla bir neçə rayonu, yüzlərlə kənd və qəsəbəni, strateji yüksəkliyi düşməndən azad edib. İşğaldan azad olunan şəhər və kəndlərimizdə, qəsəbələrimizdə üçrəngli bayrağımızın ucaldılması ilə nəticələnən 44 günlük Vətən müharibəsi Azərbaycan Ordusunun qələbəsi ilə başa çatıb. İşğalçı erməni silahlı birləşmələri ordumuzun dəfedilməz hücumu qarşısında tab gətirə bilməyərək xeyli itki ilə geri çəkiliblər. Bununla yanaşı, düşmənin minlərlə canlı qüvvəsi, hərbi texnikası məhv edilib. Ermənistanın hərbi-siyasi rəhbərliyi Azərbaycan Ordusu qarşısında müqavimət göstərməyin faydasız olduğunu anlayaraq kapitulyasiya sənədinə imza atmağa məcbur olub. Bununla da 27 il işğal altında olan Kəlbəcər rayonu qəsbkarlardan azad edilib, həmin gün Azərbaycan Ordusunun bölmələri rayona daxil olub və orada bayrağımız ucaldılıb.


Prezident İlham Əliyevin 2020-ci il dekabrın 29-da və 2021-ci il iyunun 24-də imzaladığı müvafiq sərəncamlara əsasən, bir qrup hərbi qulluqçu “Kəlbəcərin azad olunmasına görə” medalı ilə təltif edilib. Onlar şəhərin işğaldan azad edilməsi uğrunda aparılan döyüş əməliyyatlarında iştirak edərək şəxsi igidlik və şücaət nümayiş etdirdiklərinə görə təltif olunublar.


Bu il avqustun 16-da Prezident İlham Əliyev və birinci xanım Mehriban Əliyeva Kəlbəcər rayonunda olublar. Dövlət başçısı Kəlbəcər şəhərində Azərbaycan bayrağını ucaldıb. Prezident və birinci xanım Toğanalı-Kəlbəcər avtomobil yolu üzərində Murovdağında inşa olunan 11,6 kilometrlik tunelin və Kəlbəcər-Laçın avtomobil yolu üzərində tikilən 3,4 kilometr uzunluğundakı tunelin təməllərinin qoyulması mərasimlərində iştirak ediblər, "İstisu" sanatoriyasında olublar. Daha sonra Prezident İlham Əliyev Kəlbəcər Kiçik Su Elektrik Stansiyasında görülən işlərlə tanış olub. Eyni zamanda Prezident İlham Əliyev və birinci xanım Mehriban Əliyeva 110/35/10 kV-luq “Kəlbəcər” yarımstansiyasının açılışında iştirak ediblər. Dövlət başçısı yarımstansiyanı işə salıb. Kəlbəcər rayonunun Qamışlı kəndi ərazisində müasir avadanlıqlarla təchiz olunaraq inşa edilən yeni yarımstansiyada 80 MVA gücündə yeni transformatorlar quraşdırılıb. Yarımstansiyada 110 kilovoltluq açıq, 35 və 10 kilovoltluq qapalı paylayıcı qurğular yaradılıb. “Kəlbəcər” yarımstansiyası məsafədən idarəolunan SCADA Dispetçer İdarəetmə sisteminə qoşulub və bunun üçün yeni idarəetmə binası tikilib. Burada ən yeni rəqəmsal texnologiyalardan istifadə edilib.

Qeyd edək ki, ermənilər tərəfindən enerji sistemi tamamilə dağıdılan Kəlbəcər rayonuna Daşkəsəndən 70 kilometr məsafədə 110 kV-luq yüksəkgərginlikli ikidövrəli elektrikötürmə xətti çəkilib. Murov dağını aşmaqla çəkilən xəttin bəzi anker dayaqları dəniz səviyyəsindən 3400 metr yüksəklikdə quraşdırılıb.

Həmçinin Prezident İlham Əliyev Kəlbəcər şəhərindəki “N” saylı hərbi hissədə yaradılan şəraitlə də tanış olub, Kəlbəcər-Laçın rayonunun Minkənd yolunun çəkilməsi işlərinə baxıb.

Hazırda Kəlbəcərdə bərpa-yenidənqurma işləri aparılır, yeni infrastruktur qurulur, rayon dirçəldilir. Kəlbəcərin 71 000-dən çox əhalisi doğma yurda qayıdış gününün başlamasını səbrsizliklə gözləyir.

Qarabağ Azərbaycandır!
Xeberci.info
Oxşar xəbərlər

XƏBƏR LENTİ

09:00

Azərbaycanda qəribə hadisə: “Sağlam qadın sistemdə ölmüş kimi qeydə alınıb” – VİDEO

23:58

Sərhədlərin delimitasiya və demarkasiyası ilə bağlı razılığa gəlindi

23:54

“Görüşün nəticələri yaxşı olacaq, çox gözləmək lazım gəlməyəcək” - Prezident

23:49

Putin İlham Əliyev və Nikol Paşinyana zeytun budağı hədiyyə edib

23:42

İlham Əliyev: Azərbaycan müharibənin nəticələrinin aradan qaldırılması işində maksimum konstruktivlik nümayiş etdirib

23:37

Azərbaycan və Ermənistan arasında dövlət sərhədinin delimitasiyası üzrə ikitərəfli Komissiya yaradılacaq

23:31

Soçi görüşünün nəticələrinə dair Bəyanat - TAM MƏTN+FOTO

23:25

İlham Əliyev: "Üçtərəfli görüşün qərarları regionda təhlükəsizliyi artıracaq"

16:00

Real kadrlardan ibarət “Zəfər işığı” filmi nümayiş olundu - Video

15:30

Şənbə gününün hava proqnozu açıqlanıb

15:00

"Müharibə veteranı" adı və vəsiqəsini almaq istəyənlərin nəzərinə!

14:22

DİN-dən hava ilə bağlı XƏBƏRDARLIQ

13:02

Hərbi qulluqçulara sosial şəbəkələrlə bağlı qadağa qoyulur

12:18

Ağsuda Vətəndaşlar tam şəffaf şəkildə istədikləri həkimin qəbuluna daxil olaraq ətraflı müayinə olunurlar

11:39

“Bakı növbəti dəfə İrəvanı qabaqladı” - Erməni KİV

10:56

İlham Əliyev Soçi şəhərinə işgüzar səfərə gedib

10:51

Erməni gənc mənə yaxınlaşıb dedi ki... - Şevçenko

10:47

Cahangir Əsgərov Ərdoğana bığla bağlı verdiyi sözü tutdu - FOTO

10:32

Azərbaycan Ordusunda daha bir komando hərbi hissəsi yaradılıb - VİDEO/FOTO

10:16

“Caliber”in araşdırması: Ordumuz sərhədlərin müəyyənləşdirilməsi həllinin yaxınlaşmasına nail oldu - VİDEO

09:53

Erməni deputat: “Paşinyanı tanıyan adam kimi deyirəm, onunla müzakirəyə başlasanız...”

09:48

Azərbaycan daha 2 erməni əsilli şəxsi təhvil verdi

09:43

Ermənistan üçün son şans, yoxsa son... - gözlər Soçidə

09:37

Bu gün Əliyev, Putin və Paşinyan Soçidə görüşəcək

09:00

Polşada miqrantlar üsyana qalxdı

16:00

Yağıntılı hava şəraiti nə vaxta qədər davam edəcək?

15:30

Şəhid jurnalist Məhərrəm İbrahimovun qəbirüstü xatirə bulağının açılışı oldu

12:22

Tələbə təhsil kreditini bu müddətdə qaytaracaq - RƏSMİ

12:17

“Millətimi Paşinyan deşifrə edib, bizə göstərdi ki...” - Hraparak

12:13

Valideynlərin nəzərinə: Uşaqları təsir altına salan təhlükələr var - RƏSMİ

12:10

Ərdoğan iclas keçirdi: “3-4 aya həll olunacaq”

11:51

Türkiyədə dollar 12 lirədən aşağı düşüb

11:36

Almaniyanın konteyner yükləri Azərbaycandan keçərək Çinə daşına bilər

11:28

Kamran Əliyev və İstanbulun Baş prokuroru Füzuli və Şuşaya səfər edib