Xəbər Lenti

______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
12:54 31/3/2017
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
“POLAT YOL YAPI” türk şirkəti və Ekologia və Təbii Sərvətlər Nazirliyi sərvətimizi belə talan edir (VİDEO) -FOTOLAR
Beyləqan İcra başçısı Vaqif Abdullayevin beş minlik şubası hamiləlilklə sona çatdı?
Bank kreditləri  Ağdam təhsilini “yeyir” - Direktorlar təhsil şöbəsinin rəhbərinə qarşı
Azərbaycanlı gözəl Xüsusi Təyinatlı Qüvvələrdə xidmət edib – FOTOLAR
Yazı ölçüsü :13 Punto15 Punto17 Punto19 Punto

Elmar Vəliyevin oğlu Bakıda kortejlə gəzir

Elmar Vəliyevin oğlu Bakıda kortejlə gəzir
Qalmaqallı icra başçısı övladını kimdən və nədən qoruyur; Milli Məclisin işçisi olan Elmir Vəliyev bahalı maşınlardan ibarət karvanın və silahlı mühafizəçilərin müşayiəti ilə hərəkət edir; Vəliyevlər prezidentin ay yarım öncəki tapşırıq və tövsiyəsini qulaqardına vurub görünməmiş davranış sərgiləyirlər; Gəncə rəhbərinin oğlunun “Galendevagen”i AA seriyalı, digər avtomobillər isə AO və AZ seriyalıdır


Gəncənin icra başçısı Elmar Vəliyevin oğlu Elmir Vəliyevin gücləndirilmiş mühafizə altında və kortejdə gəzdiyi haqda məlumat əldə etmişik. Deyilənə görə, onun kortejində hətta ölkə prezidentinin kortejində olan çox bahalı maşınlar var. Bu haqda redaksiyamızı bilgiləndirən mötəbər mənbə iddia edir ki, Elmir Vəliyev Gəncədən Bakıya ağ “Mercedes Galendevagen” markalı, Az 90 AA 700 nömrə nişanlı avtomobillə gəlməyi çox xoşlayır.



 


 


Məlumatlı mənbə “Yeni Müsavat”a bu haqda xeyli maraqlı bilgilər sızdırıb. Məsələn, deyilir ki, icra başçısının  oğlunun kortejinə daxil olan maşınların nömrə nişanları 700-lə bitir. 


Belə maşınlardan biri “Lexus” markalı, Az 90 AO 700 nömrə nişanlı maşındır. Hər maşında 3 nəfər mühafizəçi olduğuna dair məlumatlar var. Kortejdə prezident mühafizəsində olan bahalı “BMW”nin olduğu deyilir. Mənbə həmin maşının dövlət nömrə nişanını bu cür söylədi: Az 90 AZ 700. Bahalı “BMW”-nin nömrə nişanındakı AZ seriyası prokurorluq sisteminə aiddir. 


 




 


Həmçinin AO seriyası əsasən hərbi strukturlara aiddir. Belə məlumat var ki, həmin maşını Elmir Vəliyevə qayınatası, Baş Prokurorluqda idarə rəisi olan Əzizağa Həsənov bağışlayıb. Amma ola bilsin AZ və AO seriyalı maşınlar Hərbi Prokurorluğa aiddir. Çünki Elmirin əmisi Xanlar Vəliyev Azərbaycanın hərbi prokurorudur.  


 


Xatırladaq ki, Elmar Vəliyev Ə.Həsənovla ötən ilin fevralında quda olublar. Gəncənin icra başçısının oğlunun toyu prezidentin Bakı Biznes Mərkəzindəki konfransda məşhur çıxışından sonrakı günlərə təsadüf etmişdi. 2013-cü ilin 12 fevralında keçirilən konfransda prezident məmurlara məhz övladlarının xoşagəlməz hərəkətlərinə görə sərt xəbərdarlıq etmişdi. Ölkə başçısı vəzifəli şəxslərdən cəmiyyətdə özlərini apara bilməyən övladları barədə ölçü götürməyi tələb etmişdi. 


 


“Kim onlara bu statusu verib cəmiyyətdə? Onların, necə deyərlər, güvəndiyi adamları mən təyin eləmişəm vəzifəyə. Mən də çıxardacağam, lazım bildikdə. Bir də bilsəm ki, kiminsə ailə üzvü haradasa xuliqanlıq eləyir, nadanlıq eləyir, özünü apara bilmir, o adam həbs ediləcək, atası işdən qovulacaq”- deyə İ.Əliyev bildirmişdi. 


 


Bu konfransdan sonra E.Vəliyevin halının pisləşməsi, hətta xəstəxanalıq olması haqda məlumatlar vardı. Amma başqa mənbələr E.Vəliyevin müşavirədə yıxılmasını tamam başqa səbəblə, özəl durumla əlaqələndirmişdi... 


 




 


Deyilənlərə görə, Elmar Vəliyev hələ Yevlağın icra başçısı vəzifəsində çalışdığı dövrdən oğlunu xüsusi qoruma altına aldırıb. Məlumatlı mənbələr bildirir ki. E.Vəliyev Yevlaxda başçı olanda Elmir Vəliyevin mühafizəsinə Yevlax polisinin 3 idmançı əməkdaşını cəlb edibmiş. Həmin polislər hər zaman oğul Vəliyevi öz tabel silahları ilə müşayiət edirlərmiş. 


Oğul Vəliyevin bir çox məmur övladları kimi bahalı maşınlara sevgisi də bəllidir. 


 


Adı Milli Məclisin Aparatında işçi kimi keçən Elmir Vəliyevi orada görən olmayıb. Amma ara-sıra Milli Məclis həndəvərində 150 min manatlıq “Mazeratti” sürməsi də gələn məlumatlar sırasındadır. Yeri gəlmişkən, həmin maşının nömrə nişanı da olduqca bahalıdır - 555.


Təəssüf ki, prezidentin məmurlara və onların yaxınlarına barmaq silkələyərək “özünüzü xalqdan üstün tutmayın, sadə həyat tərzi keçirin” ismarışları bir sıra məmurlar tərəfindən qulaqardı edilir. 


 




 


Xatırladaq ki, bu il fevralın 5-də prezident İlham Əliyev icra başçılarının və nazirlərin iştirakı ilə müşavirə keçirib. Dövlət başçısı son müşavirədə yenə də üzünü məmurlara tutaraq özlərini təvazökar aparmalarını tapşırıb. Prezident həmin müşavirədə demişdi ki, məmurlar xalqın xidmətçisidir, ona görə də xalqla mehriban davranmalıdırlar. İ.Əliyev “xalqın bir nömrəli xidmətçisi mən özüməm” - demişdi. 


 


Maraqlıdır ki, Vəliyevlər dövlətin başçısının bu kursunu, tövsiyə və tapşırıqlarını görməzdən gələrək nümayişkaranə şəkildə özlərini ən ali sort kimi aparırlar; rəsmi  maşınlarından istifadə edir, Gəncədə və paytaxt Bakıda silahlı mühafizəçilərlə gəzir, dövlətin resurslarından öz şəxsi komfortları, təhlükəsizlikləri üçün yararlanırlar.    


 


Yada salaq ki, son aylar öz var-dövlətini, harın həyat tərzini nümayiş etdirən bir xeyli məmur və onların övladları rəsmi və qeyri-rəsmi formada cəzalandırılıb. 


 




 


Sonuncu belə olay martın 15-də qeydə alınmışdı. “Azərbaycan Xəzər Dəniz Gəmiçiliyi” QSC-nin sədr müavini Mübariz Mədətovun oğlu Xalid Mədətov idarə etdiyi “Mercedes-Benz G-55" markalı, Az 90 FE 007 dövlət qeydiyyat nişanlı avtomobillə xalq artisti Ağasəlim Abdullayevin oğlunun idarə etdiyi maşını vurmuşdu. Məlum olmuşdu ki, məmur oğlu qəzanı sərxoş halda törədib. Nəticədə xalq artistinin həyat yoldaşı və azyaşlı nəvəsi dünyasını dəyişib. 


 


Bundan sonra M.Mədətov məmur adına yaraşmayan hərəkətlərə yol verdiyinə, məmur etikasına əməl etmədiyinə, övladı ictimai yerdə qaydaları kobudcasına pozduğuna, qanunlara hörmət etmədiyinə görə vəzifəsindən qovuldu. Bundan əvvəl isə Əmək və Əhalinin Sosial Müdafiəsi naziri Füzuli Ələkbərovun oğlu ilə İsmayıllının icra hakimi olan qardaşının oğlu İsmayıllıda üsyana səbəb olan qudurğanlıq etmişdilər. Rayonun ”Kəpənək dairəsi" adlanan ərazisində bir maşını vurub sürücüsünü döyəndən sonra oğul Ələkbərovlar İsmayıllı camaatının ünvanına xoşagəlməz ifadələr işlətməkdən də çəkinməmişdilər. Buna görə Füzuli Ələkbərov nazir postunu, qardaşı isə icra başçısı kreslosunu itirmişdi.


 


Bu ilin əvvəllərində isə   Bakı Şəhər Prokurorluğunun İstintaqa nəzarət şöbəsinin rəisi Ramiz Nəbiyevin oğlu Elvin Nəbizadə öz var-dövlətini, bahalı maşınlarını facebookda nümayiş etdirmişdi. Bunun üstündən az keçdikdən sonra atasını tutduğu vəzifədən azad etdilər. 


 


Təbii ki, bütün bu cəzalandırmalar dövlət başçısının iradəsi ilə baş verir. Yaxşı olardı ki, daha yüksək vəzifələr tutan məmurlar da övladlarının harın hərəkətlərinə görə cəzalandırılsınlar. Bu məsələdə ayrı-seçkilik olduqda cəmiyyət bu prosesi birmənalı şəkildə alqışlaya bilmir. 


 


Yazıda adları çəkilən şəxslərin mövqeyini qəzetdə dərc etməyə hazırıq. 






E.HÜSEYNOV


Musavat.com

Teqlər:
Bu xəbər cəmi 37910 dəfə oxunuldu

увеличение трафика на сайт
loading...
YAZARLAR
QIZLARINI ZORLAYAN ATANIN TÜKÜRPƏDICI HƏYAT DRAMI
Cəfərovlar ailəsi 6 nəfərdən ibarət olub. Ata 1971-ci il təvəllüdlü Fazil Cəfərov, ana 1974-cü il təvəllüdlü Şəfiqə, qızları 1992-ci il təvəllüdlü Günay, 1993-cü il təvəllüdlü Sədaqət, oğlanları 1995-ci il təvəllüdlü Elvin və 1997-ci il təvəllüdlü Elşən. 1991-ci ildə Fazil ilə Şəfiqə ailə qurduqdan sonra onların aralarında bir sıra problemlər yaranır. Fazil evə tez-tez içkili gəlir. Evdə dava salaraq ailə üzvlərini döyür. Evdə hamı ondan qorxur. Qızlar atalarından daha çox qorxurlar. Ona görə ki, ataları onları demək olar ki, hər gün döyür, işgəncə verirdi. Fazil dəfələrlə Rusiyaya işləməyə getməsinə baxmayaraq, evə qazanc gətirə bilmir. O, rayonda müəyyən tikililərdə rəngsazlıq edir. Qazandığı pulları da içkiyə verir. Hər gün evə içkili vəziyyətdə gələn Fazil evdəkiləri döyərək, işgəncə verir. Belə günlərin birində – 2003-cü ilin dekabr ayında Fazil yenə içkili vəziyyətdə evə gəlir. Evdə təkcə 11 yaşlı qızı Günay olur. Günay evin birinci mərtəbəsində təmizlik işləri ilə məşğul olurmuş. Fazil qızını yuxarı çağırır. Günay işin yarımçıq qoyub, atasının yanına qalxır. Atası ondan əynindəki paltarları çıxarmasını istəyir. Günay heç nə baş düşmür. Atası onun yanına gələrək əynindəki paltarları cıraraq əynindən çıxarır. Bu zaman Günay ağlamağa başlayır. O, atasının nə üçün belə etdiyini anlamır. Tez-tez atası tərəfindən döyülən Günay atasının yenə onu döyəcəyini düşünür. Lakin atası Günayı çarpayıya uzadaraq onu zorlayır və qızlıq bəkarətini pozur. Günay hələ uşaq olduğundan bu barədə hər şeyi anlamır. Fazil onu bu barədə heç kimə heç nə söyləməmək barədə tənbeh edir. Əks təqdirdə, ona daha böyük işgəncələr verəcəyini söyləyir. Günay da belə edir. O, qorxusundan bu barədə heç kəsə heç nə demir. Bu hadisəsən sonra Fazil 15 günə yaxın müddətdə Günaya toxunmur. Lakin 15 gün keçəndən sonra yenə Günayı otağına çağırıb, bu gecə onunla yatacağını bildirir. Günay ağlamağa başlayır. O, atasına “yenə həminki kimi edəcəksən?” sualını verir. Fazil isə “qorxma daha ağrıtmayacaq” – deyə, ondan ağlamamağı tələb edir. Yenə axşam olur. Fazil axşam hamının yatdığını görüb, Günayı otağına çağırır. Yenə həmin hal təkrarlanır… Oğlunun nəvəsini zorladığını görən babanın ürəyi dayanır Bu əxlaqsızlıq düz 2009-cu ilin sentyabrına qədər davam edir. Evdəkilər bundan şübhələnir. Onlar tez-tez Günayın ağladığını görürlər. Bunun səbəbini soruşduqda isə Günay qorxusundan heç nə demir. 6 il müddətində atası demək olar ki, 2-3 gündən bir Günayla təbii və qeyri-təbii yolla cinsi əlaqədə olur. Günlərin yenə birində Fazilin atası Qurban və Anası Fəzilət gecəni Fazilgildə keçirməli olurlar. Səhər tezdən Fazil yuxudan oyanıb Günayın yatdığı otağa gedir. İçəri girəndə Günay yuxudan ayılır. Fazil onun üstünə gəlir. Bu zaman Günay qışqırmağa başlayır. Fazil tez otağın qapısını bağlayır. Əli ilə Günayın ağzını tutub yenə onunla cinsi əlaqədə olur. Günayın otağı babasıgilin yatdığı otağa yaxın idi. Ona görə də, babası Qurban onun qışqırığını eşidir. Bundan narahat olan Qurban otağından çıxıb nəvəsi yatdığı otağa gəlir. Qapını açanda nəvəsinin lüt vəziyyətdə, oğlunu isə paltarını geyinən görür. Oğlundan nə baş verdiyini soruşanda, Fazil ona “üstünü örtməyə gəlmişdim, birdən başladı ağlamağa” deyib otaqdan çıxıb gedir. Lakin Qurban hər şeyi baş düşür. O, Günaydan heç nə soruşmur. Oğlunun bu hərəkətini görməsi Qurbanın elə həmin gün ölümü ilə nəticələnir: bu mənzərənin şahidi olan Qurbanın ürəyi tutur. Oğlunun əxlaqsızlığı barədə Qurban heç kəsə heç nə deməyə macal tapa bilmir. Evə həkim çağırsalar da, onun həyatını xilas etmək olmur. Evdə heç kəs Qurbanın nə səbəbdən öldüyünü bilmir. Qurbanın “40”-ı çıxana qədər Fazil Günaya toxunmur. Atasının “40”-dan sonra Fazil iyrənc hərəkətlərinə davam edir. Yenə qızını ölümlə hədələyərək, onunla zorla cinsi əlaqədə olmaqda davam edir. Günlərin birində Fazil yenə hamını yuxuya verib, qızı Günayı yanına çağırır. Günaya yenə onunla cinsi əlaqədə olacağını söyləyir. Bu zaman Günay ona etirazını bildirir. Fazil onu sillə ilə yerə sərərək, təpikləməyə başlayır. Bundan sonra o, iyrənc əməlini həyata keçirir. Günayın qışqırıq səsinə gələn anası Şəfiqə otağın qapısının bağlı olduğunu görür. Qapını nə qədər döyürsə, Fazil açmır. Bir müddətdən sonra Fazil otaqdan çıxır. Şəfiqə qıza nə etdiyini soruşur. Fazil sənə “dəxli yoxdur, özüm bilərəm” deyir. Şəfiqə Günaydan baş verənləri soruşur. O isə qorxusundan heç nə demir. Şəfiqə Fazilin hərəkətindən şübhələnir. Bu barədə Fazilin qardaşı Malikə deyir. Malik qardaşının hərəkətinə inana bilmir. Məsələni Fazilə danışır. Lakin Fazil heç nəyi boynuna almır. “11 yaşım olandan atam məni zorlayır” Qardaşı ilə söhbətdən sonra Fazil evinə qayıdır. Əsəbi halda evə qayıdan Fazil qızı Günayı yanına çağırıb, ona nə üçün baş verənləri başqalarına söylədiyini soruşur. Günay cavabında heç kəsə heç nə demədiyini bildirir. Fazil bu dəfə qızına daha da pis işgəncə verəcəyini söyləyir. O, qızını sillə təpik altına salaraq yenə onunla zorla təbii və qeyri-təbii yolla cinsi əlaqədə olur. Bundan sonra o, Günaya bacısını yanına çağırmağı söyləyir. Günay atasından bacısını nə üçün istədiyini soruşur. Fazil cavabında “onu da sənin kimi edəcəm” deyir. Günay buna imkan verməyəcəyini söyləyir: “Qoymaram ki, mənim başıma gətirdiklərini bacımın başına gətirəsən”. Fazil Günaya “sizi ər evinə “qız” göndərməyəcəm” deyir. Bu zaman Fazil onun saçından tutaraq yerə yıxır. Təpiklə onun ağzına vurur. Gözünün altını göyərdir. Günayın qışqırığını anası həyətdən eşidir. Yuxarı qalxan Şəfiqə qızından nə baş verdiyini soruşur. Günay hər şeyi anasına etiraf edir: “11 yaşım olandan atam məni zorlayır. Bunu kiməsə desəm məni öldürəcək. 6 ildir ki, məni demək olar ki, hər gün zorlayır. İndi də bacım Sədaqəti zorlamaq istəyir”. Günay bu 6 ildə atasının onun başına açdığı bütün oyunları anasına söyləyir. Fazilin anası: “ Zəhərlə öldür onu, biz sənə kömək edərik” Şəfiqə o biri qızı Sədaqətin də təhlükədə olduğunu görüb, uşaqları götürərək ata evinə gedir. Bu barədə atasıgilə danışır. Şəfiqə uşaqları onlarda qoyub, Fazilin qardaşı Malik gilə yollanır. Malikə bütün baş verənləri danışır. Bu vaxt evdə olan Fazilin anası Fəzilət də baş verənlərdən xəbərdar olur. Oğlunun belə bir əclaflıq törətdiyini bilən ana və qardaş Şəfiqəyə onu zəhərləyib öldürməsini təklif edirlər: “Biz sənə kömək edərik. Zəhərlə öldür onu. Bu kəndə yayılsa, hamımız biabır olarıq. Sən onu zəhərləsən, heç kəsin bundan xəbəri olmaz”. “Qızımı sənin bacın Sürəyyaya oxşadığı üçün zorlamışam” Şəfiqə evə qayıdır. O, Fazildən belə hərəkəti nə üçün etdiyini soruşur. Fazil ona “əcəb eləmişəm” deyir: “Mən sənin bacın Sürəyyanı istəyirdim. Atan onu mənə vermədi. Günay da Sürəyyaya oxşayır. Ona görə də onu eləmişəm. Bütün bu sözləri eşidən Şəfiqə Fazil üzünə tüpürür. Fazil Şəfiqəni təpiyinin altına salıb, vəhşicəsinə döyür. Şəfiqə pis vəziyyətdə evə qayıdır. Evdəkilər ona polisə şikayət etməsini söyləyirlər. Şəfiqə belə də edir. O, qızı Günayı da götürüb, rayon polis idarəsinə gedir. Bütün baş verənləri müstəntiqə danışır. “Mən onu cəzalandırmaq üçün zorlamışam” Polis əməkdaşları Fazili həbs edir. Fazil ibtidai istintaqa ifadəsində ona qarşı irəli sürülən ittihamla özünü qismən təqsirli bilir: “2009-cu il sentyabrın 5-də evdə hamı yatdığından qızım Günayı yanına çağırıb ondan kəndə gəzən söhbətlərlə bağlı soruşdum. Günaya “kənddə sənin “qız” olmadığını deyirlər, bu nə məsələdir” deyin üstünə qışqırdım. Günay əvvəlcə bunları inkar etdi. Mən ona “bunu sübut edə bilərsənmi?” dedim. Günay hər şeyi etiraf edərək qızlığının uşaqlıqda pozulduğunu söylədi”. Fazil bundan əsəbiləşərək qızını cəzalandırmaq istədiyini bildirib: “Mən onu cəzalandırmaq üçün zorlamışam”. Qızını zorlayan ata özünü… qismən təqsirli bilir Fazilin cinayət işinə Ağır Cinayətlərə Dair İşlər üzrə Məhkəmədə baxılıb. Məhkəmədə ifadə verən Fazil yenə özünü qismən təqsirli bilib. O, qızının əxlaqsız olduğunu söyləyib: “Mən Günayın 11 yaşı olanda onu zorlamamışam. Günay uşaq vaxtı əxlaqsızlıqla məşğul olub, öz qızlığını pozub. Mən də onu cəzalandırmaq istəmişəm. Allah belə övladı heç kimə verməsin”. Məhkəmədə ifadə verən Günayın bacısı Sədaqət atasının onu da zorlamaq istədiyini bildirib: “Məni də zorlamaq istəyib. Canımı güc-bəla ilə qurtarmışam onun əlindən”. Fazil bütün bunları inkar edir. Lakin məhkəmə istintaqında onun qızı Günayı 2003-cü dekabrından 2009-cu ilin sentyabrınadək müxtəlif zamanlarda mütəmadi zorladığı sübuta yetirilir. P.S. Məhkəmə Fazili Azərbaycan Respublikası Cinayət Məcəlləsinin 149.2.3-ci (), 149.2.5-ci (təkrar törədildikdə), 149.3.3-cü (təqsirkar şəxs üçün aşkar surətdə on dörd yaşına çatmayan şəxs barəsində törədildikdə), 150.2.3-cü (. təqsirkar üçün aşkar surətdə yetkinlik yaşına çatmayan şəxs barəsində törədildikdə), 150.2.5-ci (təkrar törədildikdə) və 134-cü (Öldürməklə və ya sağlamlığa ağır zərər vurmaqla hədələmə) maddələri ilə təqsirli bilərək15 il müddətinə azadlıqdan məhrum edib.