Xəbər Lenti

______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
______________________________
Samir Şərifov Laçın təhsilini yoxladır: hər müəllimdən 10 manat tutulub – Özəl
Baş redaktor Abşeron RİH-nin başçısından prezidentə və birinci vitse-prezidentə müraciət etdi!
Əsli Quliyeva korrupsiya burulğanında (ÖZƏL)
Azərbaycan səfiri etimadnaməsini Argentina prezidentinə təqdim edib
Yazı ölçüsü :13 Punto15 Punto17 Punto19 Punto

Bakıda rus-türk savaşına start, yoxsa...

Bakıda rus-türk savaşına start, yoxsa...

Gecikən bir ziyarətin əsas gözləntisi; Ərdoğan bu gün gəlir - gözlər yenidən Azərbaycanda; Lavrovun İrəvandan səsləndirdiyi antitürk bəyanatına və “Ağrıdağ” jestinə ali qonağın Bakıdan verəcəyi reaksiya ağrılı ola bilər; iki qardaş ölkə liderlərinin prinsipial mövqeyi ölkəmizi təkləmək istəyən məkrli qüvvələrə də təsirli xəbərdarlıq mesajı olardı...


Bu gün Türkiyə prezidenti Rəcəb Tayyib Ərdoğan, necə deyərlər, üçüncü cəhddən sonra Azərbaycana gələcək. Səfər BMT-nin qlobal forumu çərçivəsində reallaşsa da, aydındır ki, belə tədbirlərdə ən çox ikitərəfli təmaslar və liderlərin verdiyi bəyanatlar diqqət mərkəzində olur. Azərbaycan-Türkiyə münasibətləri isə məxsusi xarakter daşıyır və bu münasibətlərin inkişafı birliyimizi istəməyən və bundan qorxan qüvvələri həmişə narahat edib.


Söhbət öncəliklə iki məkrli qonşumuzdan - işğalçı Ermənistan və onun əsas müttəfiqi, daha doğrusu, 1 nömrəli havadarı Rusiyadan gedir. R.T.Ərdoğanın çoxdan gözlənilən budəfəki Bakı ziyarəti isə Rusiya ilə Türkiyə arasında münasibətlərin kifayət qədər ziddiyyətli bir dönəminə təsadüf edir. 


Maraqlıdır ki, rəsmi Moskva son zamanlar bir yandan, Ankara ilə pozulmuş əlaqələri bərpa eləmək tövrü nümayiş etdirir, iqtisadi embarqoları götürmək yönündə addımlar atır, o biri yandan isə xarici işlər naziri Sergey Lavrovun dilindən İrəvandan Türkiyə əleyhinə bəyanatlar səsləndirir. Təsadüfmü? 


***


Xatırladaq ki, Rusiya XİN başçısı İrəvanda bəyan edib ki, guya Ankara Qarabağda müharibənin körüklənməsində maraqlıdır. Nazirin iddiasına görə, Türkiyə rəhbərliyinin Dağlıq Qarabağla bağlı açıqlamaları müharibəyə yönəlib və qəti şəkildə qəbul edilə bilməz. “Türkiyə rəhbərliyi münaqişəni hərbi yolla həll etməyə çağırır. Bu isə ATƏT-in Minsk Qrupu həmsədrlərinin və bütövlükdə dünya ictimaiyyətinin mövqeyi ilə daban-dabana ziddir” - Lavrov deyib.


Hələ harasıdır, o da bəlli olub ki, Rusiya XİN rəhbəri Türkiyədə yerləşən və Ermənistan ərazisindən görünən Ağrıdağın (ermənilər ona “Ararat” deyir) şəklini çəkib və bununla da əslində Ankaraya qarşı ölkəsi adından daha bir qeyri-dost münasibəti ortaya qoyub. Fotonu sosial şəbəkədə paylaşan Rusiya XİN rəsmisi Mariya Zaxarova şəklə yazdığı qeyddə bunu belə əsaslandırıb ki, guya həmin gün “Ararat” dağı (Ağrıdağ) çox gözəl göründüyü üçün naziri dağı çəkmək qərarına gəlib.


Ancaq bu, adi dağ deyil - onu Lavrov da yaxşı bilir. Ermənilər illərdir Ağrıdağın onlara məxsus olduğunu bildirir, qardaş ölkəyə qarşı əsassız ərazi iddiaları irəli sürürlər. Ermənilərin milli simvolu kimi təqdim olunan Ağrıdağ (“Ararat”) digər ölkənin (Türkiyənin) ərazisində yerləşsə də, işğalçı Ermənistanın hətta dövlət gerbində əksini tapıb. 


Başqa sözlə, Rusiya XİN başçısının jesti daha çox işğalçı Ermənistanın Türkiyəyə qarşı torpaq iddialarına haqq qazandırmaq cəhdinə bənzəyir - nə barədə ki, son vaxtlar ələlxüsus da Kremlin danışan dillərindən olan V. Jirinovski tez-tez söz açır, erməniləri, yunanları, kürdləri, bolqarları Türkiyəyə qarşı qalxmağa avantürist çağırışlar edir.   


***


Türkiyə tərəfi, özəlliklə də prezident Ərdoğan əsla xoş məram güdməyən bu kimi bəyanat və jestləri, yəqin ki, cavabsız qoymayacaq. Məhz Ərdoğanın Bakı səfəri ərəfəsində Rusiya baş diplomatının İrəvandan məlum mesaj və bəyanatı ünvanlaması, Rusiyanın Ermənistanın arxasında olduğunu ortaya qoyması xüsusilə diqqət çəkir. 


Məsələyə rəsmi Bakının da hansısa formada cavab reaksiyası vacibdir. Çünki bizim 1 nömrəli təbii strateji müttəfiqimizin Qarabağ məsələsində ittiham edilərək haqsız yerə hədəf götürülməsi - özü də Ermənistandan bunun edilməsi - Rusiya tərəfdən Azərbaycanın da hədəf edilməsi, suçlanması anlamı verir. 


Halbuki, Türkiyə, sadəcə, beynəlxalq hüququ əsas götürərək Azərbaycanın ərazi bütövlüyünə, haqq işinə dəstək verir - hansını ki, Rusiya heç yanından da keçmir. Ankaranın yeganə “suçu” işğalçı Ermənistanın qeyd-şərtsiz Azərbaycan torpaqlarından çıxmasını tələb eləməsidir - hansı ki, yenə Kremli maraqlandırmır. Əksinə, Rusiya üçüncü on illikdir ki, işğalçının, Qarabağ separatçılarının gözünə belə üfürmür, onları hərtərəfli himayə edir. 


İndi kim münaqişəni, müharibəni qızışdırır, ona öz davranışı və siyasəti ilə rəvac verir, problemin ədalətli həllini əngəlləyir, dünya ictimaiyyətinin mövqeyinə qarşı çıxır - beynəlxalq hüquq normalarından, BMT, ATƏT prinsiplərindən çıxış edən Türkiyə, yoxsa bu norma və prinsipləri xeyli vaxtdır öz maraqları naminə ayaqaltı edən, iki suveren qonşusunun (Ukrayna, Gürcüstan) ərazilərini zəbt eləmiş Rusiya?   


Cavab ritorikdir. Bu xüsusda gözləmək olar ki, Bakıda Azərbaycan və Türkiyə liderləri səviyyəsində həm Kremlə, həm də İrəvana Qarabağ məsələsi ətrafındakı son durum və Moskvanın sülh təşəbbüskarlığı ilə bağlı müəyyən çatdırış-xəbərdarlıqlar ediləcək, qəti mövqe ortaya qoyulacaq. Bu, eyni zamanda iki qardaş ölkənin bütün strateji məsələlərdə vahid siyasi kurs yürütdüyü barədə dünyaya, ortaq düşmənlərə, Qarabağ məsələsində Azərbaycanı təkləmək istəyən qüvvələrə güclü bir xəbərdarlıq mesajı, vahid iradə nümayişi olardı. Əsas gözlənti zatən, budur.


*** 


Sözsüz ki, Lavrovun antitürk açıqlamalarının arxasında Azərbaycan-Türkiyə hərbi əməkdaşlığının xüsusən də son illər yüksək səviyyəyə qalxması və bu əməkdaşlığın 4 günlük savaşın nəticələrində müsbət tərəfdən özünü göstərməsindən dolayı bir təlaş, qısqanclıq da dayanır. Ancaq Moskvanın nə düşünməsindən asılı olmayaraq, Azərbaycan bu yola davam etməli, Ukrayna, Pakistan, İsrail, Belarus kimi dost dövlətlər hesabına hərbi qüdrətini və potensialını artırmalıdır. 


Məgər bizim öz kürəyimizi söykəyəcəyimiz bir dövlət, alyans olmalı deyil? Necə olur, Ermənistana bu rəva görülür, Azərbaycanın öz təbii müttəfiq(lər)i ilə yaxınlaşması isə anormal sayılır və qıcıqla qarşılanır?

Teqlər:
Bu xəbər cəmi 4035 dəfə oxunuldu

увеличение трафика на сайт
loading...
YAZARLAR
QIZLARINI ZORLAYAN ATANIN TÜKÜRPƏDICI HƏYAT DRAMI
Cəfərovlar ailəsi 6 nəfərdən ibarət olub. Ata 1971-ci il təvəllüdlü Fazil Cəfərov, ana 1974-cü il təvəllüdlü Şəfiqə, qızları 1992-ci il təvəllüdlü Günay, 1993-cü il təvəllüdlü Sədaqət, oğlanları 1995-ci il təvəllüdlü Elvin və 1997-ci il təvəllüdlü Elşən. 1991-ci ildə Fazil ilə Şəfiqə ailə qurduqdan sonra onların aralarında bir sıra problemlər yaranır. Fazil evə tez-tez içkili gəlir. Evdə dava salaraq ailə üzvlərini döyür. Evdə hamı ondan qorxur. Qızlar atalarından daha çox qorxurlar. Ona görə ki, ataları onları demək olar ki, hər gün döyür, işgəncə verirdi. Fazil dəfələrlə Rusiyaya işləməyə getməsinə baxmayaraq, evə qazanc gətirə bilmir. O, rayonda müəyyən tikililərdə rəngsazlıq edir. Qazandığı pulları da içkiyə verir. Hər gün evə içkili vəziyyətdə gələn Fazil evdəkiləri döyərək, işgəncə verir. Belə günlərin birində – 2003-cü ilin dekabr ayında Fazil yenə içkili vəziyyətdə evə gəlir. Evdə təkcə 11 yaşlı qızı Günay olur. Günay evin birinci mərtəbəsində təmizlik işləri ilə məşğul olurmuş. Fazil qızını yuxarı çağırır. Günay işin yarımçıq qoyub, atasının yanına qalxır. Atası ondan əynindəki paltarları çıxarmasını istəyir. Günay heç nə baş düşmür. Atası onun yanına gələrək əynindəki paltarları cıraraq əynindən çıxarır. Bu zaman Günay ağlamağa başlayır. O, atasının nə üçün belə etdiyini anlamır. Tez-tez atası tərəfindən döyülən Günay atasının yenə onu döyəcəyini düşünür. Lakin atası Günayı çarpayıya uzadaraq onu zorlayır və qızlıq bəkarətini pozur. Günay hələ uşaq olduğundan bu barədə hər şeyi anlamır. Fazil onu bu barədə heç kimə heç nə söyləməmək barədə tənbeh edir. Əks təqdirdə, ona daha böyük işgəncələr verəcəyini söyləyir. Günay da belə edir. O, qorxusundan bu barədə heç kəsə heç nə demir. Bu hadisəsən sonra Fazil 15 günə yaxın müddətdə Günaya toxunmur. Lakin 15 gün keçəndən sonra yenə Günayı otağına çağırıb, bu gecə onunla yatacağını bildirir. Günay ağlamağa başlayır. O, atasına “yenə həminki kimi edəcəksən?” sualını verir. Fazil isə “qorxma daha ağrıtmayacaq” – deyə, ondan ağlamamağı tələb edir. Yenə axşam olur. Fazil axşam hamının yatdığını görüb, Günayı otağına çağırır. Yenə həmin hal təkrarlanır… Oğlunun nəvəsini zorladığını görən babanın ürəyi dayanır Bu əxlaqsızlıq düz 2009-cu ilin sentyabrına qədər davam edir. Evdəkilər bundan şübhələnir. Onlar tez-tez Günayın ağladığını görürlər. Bunun səbəbini soruşduqda isə Günay qorxusundan heç nə demir. 6 il müddətində atası demək olar ki, 2-3 gündən bir Günayla təbii və qeyri-təbii yolla cinsi əlaqədə olur. Günlərin yenə birində Fazilin atası Qurban və Anası Fəzilət gecəni Fazilgildə keçirməli olurlar. Səhər tezdən Fazil yuxudan oyanıb Günayın yatdığı otağa gedir. İçəri girəndə Günay yuxudan ayılır. Fazil onun üstünə gəlir. Bu zaman Günay qışqırmağa başlayır. Fazil tez otağın qapısını bağlayır. Əli ilə Günayın ağzını tutub yenə onunla cinsi əlaqədə olur. Günayın otağı babasıgilin yatdığı otağa yaxın idi. Ona görə də, babası Qurban onun qışqırığını eşidir. Bundan narahat olan Qurban otağından çıxıb nəvəsi yatdığı otağa gəlir. Qapını açanda nəvəsinin lüt vəziyyətdə, oğlunu isə paltarını geyinən görür. Oğlundan nə baş verdiyini soruşanda, Fazil ona “üstünü örtməyə gəlmişdim, birdən başladı ağlamağa” deyib otaqdan çıxıb gedir. Lakin Qurban hər şeyi baş düşür. O, Günaydan heç nə soruşmur. Oğlunun bu hərəkətini görməsi Qurbanın elə həmin gün ölümü ilə nəticələnir: bu mənzərənin şahidi olan Qurbanın ürəyi tutur. Oğlunun əxlaqsızlığı barədə Qurban heç kəsə heç nə deməyə macal tapa bilmir. Evə həkim çağırsalar da, onun həyatını xilas etmək olmur. Evdə heç kəs Qurbanın nə səbəbdən öldüyünü bilmir. Qurbanın “40”-ı çıxana qədər Fazil Günaya toxunmur. Atasının “40”-dan sonra Fazil iyrənc hərəkətlərinə davam edir. Yenə qızını ölümlə hədələyərək, onunla zorla cinsi əlaqədə olmaqda davam edir. Günlərin birində Fazil yenə hamını yuxuya verib, qızı Günayı yanına çağırır. Günaya yenə onunla cinsi əlaqədə olacağını söyləyir. Bu zaman Günay ona etirazını bildirir. Fazil onu sillə ilə yerə sərərək, təpikləməyə başlayır. Bundan sonra o, iyrənc əməlini həyata keçirir. Günayın qışqırıq səsinə gələn anası Şəfiqə otağın qapısının bağlı olduğunu görür. Qapını nə qədər döyürsə, Fazil açmır. Bir müddətdən sonra Fazil otaqdan çıxır. Şəfiqə qıza nə etdiyini soruşur. Fazil sənə “dəxli yoxdur, özüm bilərəm” deyir. Şəfiqə Günaydan baş verənləri soruşur. O isə qorxusundan heç nə demir. Şəfiqə Fazilin hərəkətindən şübhələnir. Bu barədə Fazilin qardaşı Malikə deyir. Malik qardaşının hərəkətinə inana bilmir. Məsələni Fazilə danışır. Lakin Fazil heç nəyi boynuna almır. “11 yaşım olandan atam məni zorlayır” Qardaşı ilə söhbətdən sonra Fazil evinə qayıdır. Əsəbi halda evə qayıdan Fazil qızı Günayı yanına çağırıb, ona nə üçün baş verənləri başqalarına söylədiyini soruşur. Günay cavabında heç kəsə heç nə demədiyini bildirir. Fazil bu dəfə qızına daha da pis işgəncə verəcəyini söyləyir. O, qızını sillə təpik altına salaraq yenə onunla zorla təbii və qeyri-təbii yolla cinsi əlaqədə olur. Bundan sonra o, Günaya bacısını yanına çağırmağı söyləyir. Günay atasından bacısını nə üçün istədiyini soruşur. Fazil cavabında “onu da sənin kimi edəcəm” deyir. Günay buna imkan verməyəcəyini söyləyir: “Qoymaram ki, mənim başıma gətirdiklərini bacımın başına gətirəsən”. Fazil Günaya “sizi ər evinə “qız” göndərməyəcəm” deyir. Bu zaman Fazil onun saçından tutaraq yerə yıxır. Təpiklə onun ağzına vurur. Gözünün altını göyərdir. Günayın qışqırığını anası həyətdən eşidir. Yuxarı qalxan Şəfiqə qızından nə baş verdiyini soruşur. Günay hər şeyi anasına etiraf edir: “11 yaşım olandan atam məni zorlayır. Bunu kiməsə desəm məni öldürəcək. 6 ildir ki, məni demək olar ki, hər gün zorlayır. İndi də bacım Sədaqəti zorlamaq istəyir”. Günay bu 6 ildə atasının onun başına açdığı bütün oyunları anasına söyləyir. Fazilin anası: “ Zəhərlə öldür onu, biz sənə kömək edərik” Şəfiqə o biri qızı Sədaqətin də təhlükədə olduğunu görüb, uşaqları götürərək ata evinə gedir. Bu barədə atasıgilə danışır. Şəfiqə uşaqları onlarda qoyub, Fazilin qardaşı Malik gilə yollanır. Malikə bütün baş verənləri danışır. Bu vaxt evdə olan Fazilin anası Fəzilət də baş verənlərdən xəbərdar olur. Oğlunun belə bir əclaflıq törətdiyini bilən ana və qardaş Şəfiqəyə onu zəhərləyib öldürməsini təklif edirlər: “Biz sənə kömək edərik. Zəhərlə öldür onu. Bu kəndə yayılsa, hamımız biabır olarıq. Sən onu zəhərləsən, heç kəsin bundan xəbəri olmaz”. “Qızımı sənin bacın Sürəyyaya oxşadığı üçün zorlamışam” Şəfiqə evə qayıdır. O, Fazildən belə hərəkəti nə üçün etdiyini soruşur. Fazil ona “əcəb eləmişəm” deyir: “Mən sənin bacın Sürəyyanı istəyirdim. Atan onu mənə vermədi. Günay da Sürəyyaya oxşayır. Ona görə də onu eləmişəm. Bütün bu sözləri eşidən Şəfiqə Fazil üzünə tüpürür. Fazil Şəfiqəni təpiyinin altına salıb, vəhşicəsinə döyür. Şəfiqə pis vəziyyətdə evə qayıdır. Evdəkilər ona polisə şikayət etməsini söyləyirlər. Şəfiqə belə də edir. O, qızı Günayı da götürüb, rayon polis idarəsinə gedir. Bütün baş verənləri müstəntiqə danışır. “Mən onu cəzalandırmaq üçün zorlamışam” Polis əməkdaşları Fazili həbs edir. Fazil ibtidai istintaqa ifadəsində ona qarşı irəli sürülən ittihamla özünü qismən təqsirli bilir: “2009-cu il sentyabrın 5-də evdə hamı yatdığından qızım Günayı yanına çağırıb ondan kəndə gəzən söhbətlərlə bağlı soruşdum. Günaya “kənddə sənin “qız” olmadığını deyirlər, bu nə məsələdir” deyin üstünə qışqırdım. Günay əvvəlcə bunları inkar etdi. Mən ona “bunu sübut edə bilərsənmi?” dedim. Günay hər şeyi etiraf edərək qızlığının uşaqlıqda pozulduğunu söylədi”. Fazil bundan əsəbiləşərək qızını cəzalandırmaq istədiyini bildirib: “Mən onu cəzalandırmaq üçün zorlamışam”. Qızını zorlayan ata özünü… qismən təqsirli bilir Fazilin cinayət işinə Ağır Cinayətlərə Dair İşlər üzrə Məhkəmədə baxılıb. Məhkəmədə ifadə verən Fazil yenə özünü qismən təqsirli bilib. O, qızının əxlaqsız olduğunu söyləyib: “Mən Günayın 11 yaşı olanda onu zorlamamışam. Günay uşaq vaxtı əxlaqsızlıqla məşğul olub, öz qızlığını pozub. Mən də onu cəzalandırmaq istəmişəm. Allah belə övladı heç kimə verməsin”. Məhkəmədə ifadə verən Günayın bacısı Sədaqət atasının onu da zorlamaq istədiyini bildirib: “Məni də zorlamaq istəyib. Canımı güc-bəla ilə qurtarmışam onun əlindən”. Fazil bütün bunları inkar edir. Lakin məhkəmə istintaqında onun qızı Günayı 2003-cü dekabrından 2009-cu ilin sentyabrınadək müxtəlif zamanlarda mütəmadi zorladığı sübuta yetirilir. P.S. Məhkəmə Fazili Azərbaycan Respublikası Cinayət Məcəlləsinin 149.2.3-ci (), 149.2.5-ci (təkrar törədildikdə), 149.3.3-cü (təqsirkar şəxs üçün aşkar surətdə on dörd yaşına çatmayan şəxs barəsində törədildikdə), 150.2.3-cü (. təqsirkar üçün aşkar surətdə yetkinlik yaşına çatmayan şəxs barəsində törədildikdə), 150.2.5-ci (təkrar törədildikdə) və 134-cü (Öldürməklə və ya sağlamlığa ağır zərər vurmaqla hədələmə) maddələri ilə təqsirli bilərək15 il müddətinə azadlıqdan məhrum edib.